Örugglega ekki rétt

 Eftir að bjórinn var leyfður 1989, þá hættu menn náttúrulega að smygla honum. Smyglið hefur aldrei verið í opinberum neyslutölum á áfengi. Auk þess hefur aðgengi að áfengi á landsbyggðinni batnað, sem einnig minnkar ásókn fólks þar eftir smygluðu víni.

Um 1990 voru tveir útsölustaðir á Austurlandi,  á Neskaupsstað og Seyðisfirði. Það fyrsta sem sumir gerðu þegar fraktari lagðist að bryggju á Austfjörðum á þeim árum, var að athuga hvort ekki væri hægt að kaupa eins og eina bokku eða kassa af bjór. Núna eru fáir sem spá í þetta.

Eflaust hefur áfengisneysla eitthvað aukist en ég er ekki viss um að fleiri drekki sér til tjóns. Og 65% aukning er að mínu mati fjarri lagi.

Áfengisneysla jókst um 65% á Íslandi á aldarfjórðungi

Athugasemdir

[Gunnar Th. Gunnarsson, 14.11.2007 kl. 02:40]

Auk þess held ég að heimabrugg hafi minnkað með árunum þar sem léttvín eru orðin mun ódýrari en þau voru áður og heimabrugg er ekki í neyslutölunum.

[Páll Geir Bjarnason, 14.11.2007 kl. 04:54]

Skoðaðu aðeins þessa linka og dragðu svo ályktun um skaðsemi áfengis í víðu samhengi

http://ruv.is/heim/frettir/frett/store64/item177025/
http://www.dv.is/frettir/lesa/2357
http://www.mbl.is/mm/frettir/frett.html?nid=1267141
http://www.bmj.com/archive/7088e1.htm#4-ref4

[Arnar Ævarsson (IP-tala skráð) 14.11.2007 kl. 09:16]

Sæll Gunnar

 Sjaldan er ein báran stök !

Nei svo hefur ekki heldur verið reiknað inn í þetta það sem fólk smyglar með sér í gegnum fríhöfnina erlendis frá nú eða möndludropar. Hefur þú bara verið á Reyðarfirði s.l. 40 ár ? Þetta er fádæma grunnhyggið hjá þér að draga þessar tölur í efa út frá heimabruggi og smygli, er ekki allt í lagi með þig drengur.  Mæli með því að þú lesir þó að það væri ekki nema bara vef SÁÁ og fræðist örlítið um staðreyndir mála um neyslu áfengis hér á landi. Það er með þetta líkt og umhverfisvernd hjá þér bara alhæft einhver steypa og þeir sem eru ekki sama sinnis og þú eru bara svívirtir. Ætti nú bara að fá þér einn kaldan og fara lesa eitthvað gáfulegt, hætta þessu bulli.

kv. Arnar

[Gunnar Th. Gunnarsson, 14.11.2007 kl. 12:57]

Þú virðist nú ekki getað tjáð þig Arnar minn án þess að vera með dónaskap. Ef mamma þín sæi þetta myndi hún örugglega skamma þig. Vissulega hefur ásókn í meðferð hjá SÁÁ aukist, þökk sé aukinni fræðslu og fordómaleysi í þjóðfélaginu. 

Það sem ég átti við með að fólk sé síður að drekka sér til tjóns er að í dag sér maður sjaldnar dauðadrukkið fólk en fyrir t.d. 20 árum síðan. Hlutfall þeirra sem verða alkóhólisma að bráð hefur að sjálfsögðu ekkert minnkað.

[Jóhann Elíasson, 14.11.2007 kl. 18:19]

Ég er þér alveg sammála þarna.  Þegar ég var í siglingunum og seldi hluta af "tollinum", þá keyptu menn eina til  tvær flöskur af sterku með hverjum bjórkassa, sú neysla hefur flust yfir í vínbúðirnar o.fl kemur til sem of mikið mál væri að telja upp hérna.

[Gunnar Th. Gunnarsson, 14.11.2007 kl. 18:45]

Bannárunum var ætlað að stemma stigu við áfengisvandanum en þegar þau gengu í garð þá fyrst varð fjandinn laus. Al Capone hefði aldrei auðgast nema fyrir bannárin og áfengisvandamálið hvarf ekki. Boð og bönn er ekki vænleg til árangurs þó forræðishyggjuforkólfaafturhaldstittirnir haldi annað.

Það eru náttúrulega engar vændiskonur til í Svíþjóð núna, er það?