Alheimskort af jarðvarmavirkjunum

Á blog-síðu Ágústs H. Bjarnasonar rafmagnsverkfræðings, er afar fróðlegur pistill um jarðvarmavirkjanir. Margar myndir fylgja pistlinum og þetta er ein þeirra, alheimskort af þeim stöðum þar sem jarðvarmavirkjanir eru starfræktar. Einnig vil ég benda á Verktækni blað verkfræðinga og tæknifræðinga; Þar er pistillinn: "Hvaða þekkingu á að selja"

Sjálfur bloggaði ég um óábyrgt tal Össurar Skarphéðinssonar (HÉR)  fyrir viku síðan um "þúsunda miljarða fjárfestingar" á sviði jarðorku.

Athugasemdir

[Predikarinn - Cacoethes scribendi , 12.11.2007 kl. 04:08]

Þökk fyrir að koma þessu enn betur á framfæri.

Bara smá athugasemd :

"Á blog-síðu Ágústs H. Bjarnasonar rafmagnsverkfræðings" sagðir þú, en þarna mætti að ósekju taka "ar" aftan af ættarnafni hans.

Betur færi : Á blog-síðu Ágústs H. Bjarnason rafmagnsverkfræðings, sbr. á síðu Gunnars Thoroddsen, en ekki Thoroddsenar.

Mátt gjarnan fella þennan nöldurpistil  minn út eftir lestur.

[Gunnar Th. Gunnarsson, 12.11.2007 kl. 09:15]

Hehe..nei þetta var ágætis ábending. Ég hafði ekki hugmynd um að Bjarnason væri ættarnafn. Takk!

[Jóhann Elíasson, 12.11.2007 kl. 16:55]

Predikar, þú ættir nú að rifja upp Íslenskuna.  Rétt væri að segja: Á blogg-síðu Ágústar H. Bjarnason.  Til hvers var fólk að læra fallbeygingar í barnaskóla?

[Gunnar Th. Gunnarsson, 12.11.2007 kl. 17:13]

Er þá ekki rangt að segja að einhver sé "Ágústsson"? Allir skrifa sig nú samt þannig