Styður VG álver á Bakka?

Raforkusala til erlendra fyrirtækja er partur af því að ná stöðugleika í viðskiptum við útlönd. Stóriðjan er fugl í hendi en sjávarútvegurinn er fugl í skógi hvað stöðugleikan varðar. Vissulega fylgja stórum framkvæmdum vaxtaverkir, en á meðan kaupmáttur launa vex eða a.m.k. minnkar ekki, þá er ekki yfir miklu að hvarta.

Haft hefur verið á orði að stjórnarandstaðan hafi ekki verið sérstaklega samstíga í málflutningi sínum það sem af er vetri. Höskuldur Þórhallsson, þingmaður Framsóknarflokksins, sagði hins vegar frá því í fréttum að Framsóknarflokkurinn myndi leggja áherslu á álver á Bakka á næstunni og gat þess að Vinstri græn styddu þau áform. Þetta væru nokkrar fréttir, ef sannar reynast, því hér er ekki einasta um að ræða aukna samstöðu meðal stjórnarandstöðu, heldur einnig mikinn viðsnúning VG í afstöðunni til álvers á Bakka. Frambjóðendur VG þvertóku fyrir það í kosningunum í vor að flokkurinn myndi styðja álver á Bakka en ef marka má orð Höskuldar, er að verða breyting á þeirri afstöðu flokksins.

Steingrímur J: Hagstjórn í molum og áætlanagerð úti í hafsauga

Athugasemdir

[Hlynur Hallsson, 5.10.2007 kl. 00:20]

Ef þú hefur eitthvað hlustað á fréttir siðustu daga þá ættir þú að vita að svarið við þessari spurningu þinni er auðvitað NEI. Bestu kveðjur,

[Gunnar Th. Gunnarsson, 5.10.2007 kl. 01:02]

Jú ég stóð reyndar í þeirri trú að svarið við spurningunni væri eitt stórt NEI. Þó læðist að mér sá grunur að innan raða ykkar leynist laumu-stóriðjusinnar.