Slæmar fréttir fyrir verndunarsinna

Ólafi Ragnari Grímssyni, forseta Íslands, hefur verið boðið til fundar, svokallaðrar yfirheyrslu, hjá öldungadeild Bandaríkjaþings, um orkumál nú í lok september. Það er í tísku núna að nýta jarðvarma til orkuöflunar og það hljóta að vera slæm tíðindi fyrir væntanlega andstæðinga álvers á Bakka við Húsavík. Ómar Ragnarson reitti sitt hár ef hann gæti það.

Jón G. Sólnes var gagnrýndur harkalega fyrir að berjast fyrir því að Kröfluvirkjun yrði að veruleika á sínum tíma. Ýmis ófrægingarorð voru látin falla um hann fyrir þá framsýni. Hann var vændur um að reisa sér mislukkaðan pólitískan minnisvarða. Vissulega gekk Kröfluvirkjun brösulega í goshrinunni á svæðinu 1975-1984. Meira að seigja kom hraunspýja upp úr einni borholunni. En í dag er starfið sem unnið hefur verið við nýtingu jarðvarmans á svæðinu orðin auðlind í sjálfu sér. Slíka þekkingu hafa Íslendingar öðlast á verkefninu.

Sömu ummæli fékk reyndar Halldór E. Sigurðsson á sínum tíma fyrir Borgarfjarðarbrúna og sannar að sjaldan orna þeir sér við eldana sem tendra þá.

Forseta Íslands boðið til fundar um orkumál á Bandaríkjaþingi

Athugasemdir

[Jón Bragi (IP-tala skráð) 5.9.2007 kl. 18:53]

Ég hikstaði nú aðallega á einu í þessari grein; "..er hann [Ólafur Ragnar] tók þátt í ráðstefnu um orkumál á vegum Glitnis í New York...".

Er forseti vor virkilega á þeytingi um heiminn á vegum einkafyrirtækja? Það þótti ekki gott hér um árið þegar Davíð Oddsson í embætti forsætisráðherra opnaði hamborgarastað með pompi og prakt.

Ég hélt satt að segja að forsetaembættið ætti að vera langt yfir svona lagað hafið.

[Gunnar Th. Gunnarsson, 5.9.2007 kl. 23:29]

Já maður setur spurningamerki við að ganga erinda einkafyrirtækja. Hvað segja forsvarsmenn annara fyrirtækja sem eru í samkeppni? Kannski í lagi að greiða fyrir samböndum almennt hjá fyrirtækjum í útflutningsgeiranum, enda hefur það oft verið gert.