Orkuskortur í Íran?

Hvers vegna eru Íranir að ögra alþjóðasamfélaginu með auðgun úrans? Þeir segjast ætla að nota kjarnorkuver í friðsamlegum tilgangi, ætla að framleiða raforku. Ég gæti hugsanlega keypt þá skýringu ef þeim væri aðrar bjargar bannaðar í þeim efnum, en svo er ekki.

Mahmoud Ahmadinejad, forseti landsins hefur ímislegt láti hafa eftir sér opinberlega. M.a. að þurrka ætti Ísrael af yfirborði jarðar. Íranir telja sig eiga fleiri óvini á vesturlöndum og munu efaust eiga eftir að hóta fleirum.

3.000 skilvindur til að auðga úran starfandi í Íran

Athugasemdir

[Biggi (IP-tala skráð) 2.9.2007 kl. 15:51]

Láttu ekki fífla þig svona. Íranir byrjuðu að huga að kjarnorkuverum til rafmagnsframleiðslu á áttunda áratug síðustu aldar og fengu þá fullan styrk USA. Útflutningur Írana á olíu er að minnka um 10% á hverju ári og líklega verða þeir hættir öllum útflutningi hennar í kringum 2015.

Þess vegna er fullkomlega eðlilegt að vilja byggja kjarnorkuver til rafmagnsframleiðslu því það verður til þess að meiri olía er eftir til útflutnings.

[Halldór Carlsson (IP-tala skráð) 2.9.2007 kl. 16:12]

Mahmoud Ahmadinejad forseti Íran hefur ALDREI NOKKURN TÍMA SAGT AÐ ÞURRKA ÆTTI ÍSRAEL AF YFIRBORÐI JARÐAR. 

Það er rakin lygi, þýðingarvilla sem eflaust er af ásettu ráði blásin út í viðurkenndum vestrænum fjölmiðlum, sérstaklega AP. 

Ég krefst þess að þú athugir hvað þú ert að bulla áður en þú birtir það.

Ég legg til aðþú lesir sjálfur það sem hann sagði í ALVÖRU, t.d. á WikiPediu:

http://en.wikipedia.org/wiki/Mahmoud_Ahmadinejad_and_Israel

 Þar kemur fram að:

1) Hann var að vitna í orð annars (Imaminn Ayatolla Khomeini)

2) Að eina rétta þýðingin á orðum hans er: Að það hafi verið ósk Khomeinis  að stjórn Síonista ætti að hverfa, og að hann taki undir þau orð. Nákvæmasta þýðingin væri:

,,Our dear Imam [referring to Ayatollah Khomeini] said that the occupying regime must be wiped from th pages of time."

 Eru þessi orð Ahmadinejads óeðlileg um árásargjarnasta ríki miðausturlanda - Ísrael (sem á líklega um 50 kjarnorkusprengjur).

Annars er þetta dæmi (sem þú lepur upp eftir áróðursmeisturum sem bíða eftir tækifæri til að ráðast á enn eina sjálfstæða þjóðina og ræna hana) bara eitt af mörgum. 

Annað dæmi sem reynt var að nota til að ögra Írönum, voru sjóliðarnir 15.  

Yfirvofandi árás BNA á Íran - sem Sunday Times og RÚV viðurkenna loksins að hafi staðið til lengi (sjá ruv.is í dag) hefur nákvæmlega ekkert að gera með áætlanir Írana um að nota kjarnorku.

- Íranir væru ekki fyrsta þjóðin til að nota kjarnorku (líklega er 30% af orkunotkun Evrópubúa með kjarnorku, t. d.). 

- Áætlun um innrás í Íran hefur verið í farvatninu lengi, lengi, og fylgir fast á hæla yfirtöku Íraks sem hluti af áætlun um yfirtöku á 20% olíuauðs jarðar (sem er í þessum 2 löndum).

- Hefðu BNA einfaldlega getað leyt málið með valdaráni og stjórnarskiptum, eins og þegar Mossadegh var steypt 1953 (og morðinginn Reza Pahlevi settur í embætti af bretum og bandaríkjamönnum í staðinn), myndu þeir gera það. En samstaða Írana kemur í veg fyrir það, það lítur ekki út fyrir að Íranir séu tilbúnir að steypa sjórn sinni - þrátt fyrir að leyniþjónustur breta og bandaríkjamanna hafi unnið ötullega að upplausn í landinu.  

- Leit að hentugri tylliástæðu til innrásar hefur staðið lengi. En þar sem Íranir eru ekki árásargjörn þjóð - hafa hvorki hótað ríkjum árásum né ráðist nokkurn tíma inn í nokkurt land - hefur reynst erfitt að finna hentuga tylliástæðu. Nú er reynt að láta líta svo út að kjarnorkuáætlanir Írana séu lengra komnar en þær eru í raun (a. m. k. skvt. því sem IAEA - Alþjóða Kjarnorkumálastofnunin, hefur lýst yfir). 

Ahmadinejad forseti veit líka greinilega hvað til stendur, og e. t. v. er hann farinn að blása út getu sína umfram það sem hún raunverulega er.

Spurðu sjálfan þig: HVER ÖGRAR HVERJUM Í ÞESSUM HEIMSHLUTA, áður en þú reynir að mála mynd af Ahmadinejad sem einhverjum ögrandi Hitler.

Það er nefnilega nákvæmlega sama aðferðin og notuð var fyrir örfáum árum til að sverta Saddam Hussein, loks þegar hann var ekki lengur besti vinur BNA á svæðinu þarna.  

[Jóhann Elíasson, 2.9.2007 kl. 16:27]

Halldór Carlsson, þú ættir að fara að fylgjast með fréttum, því sú fullyrðing hans að þurrka ætti Ísrael út af yfirborði jarðar kemur fram í viðtali við ANP-fréttastöðina í Apríl.  En það er greinilegt, á skrifum þínum, að þú ert öfgamaður sem tekur engum rökum jafnvel þótt þau séu skjalfest fyrir framan nefið á þér svo ég sé ekki ástæðu til þess að skrifa meira um málið.

[Gunnar Th. Gunnarsson, 2.9.2007 kl. 16:31]

Þetta er kostuleg athugasemd Halldór. Bara það að þú skulir nefna að einhverjar sérstakar aðferðir hafi þurft til að sverta Saddam Hussein setur stórt spurningamerki í mínum huga við þá þekkingu sem af athugasemdinni mætti ráða að þú hafir á þessum heimshluta. Og að vitna í wikipedia er bara ekki að gera sig því þar getur hver sem er sett sinn sannleika inn. Hefði verið heppilegra fyrir þig að vitna í eitthvað annað.

En ég er ekki með þessu að segja að ég sé fylgjandi árás á landið, fjarri því, en alþjóðasamfélagið þarf að vera á varðbergi.

[Gunnar Th. Gunnarsson, 2.9.2007 kl. 16:43]

Halldór, hefurðu séð áróðursskiltin í Íran, þar sem teikningar sína sprengjum rigna yfir Bandaríkin? Friðsemd??

[Halldór Carlsson (IP-tala skráð) 2.9.2007 kl. 18:16]

-Nei, ég hef ekki séð þessi skilti. Sýndu mér myndir af þeim - ef þú hefur séð þær sjálfur. Og vissulega er það rétt að WikiPedia er ekki besta heimild allra heimilda - en þar kemur engu að síður orðrétt fram hvað Ahmadinejad sagði - enda passar það við skrásetningu ræðunnar annars staðar - þess vegna setti ég tilvísun þangað inn. Þar sést, skýrt og skilmerkilega,  hvernig orð Ahmadinejads eru (að öllum líkindum viljandi) mistúlkuð.

En mér þætti gaman að sjá einhverjar alvöru heimildir um herskáar yfirlýsingar Ahmadinejads, ef þið hafið þær - sérstaklega þessar frá APN í apríl, sem þú vitnar í, Jóhann. 

Svo væri fróðlegt að bera þær ,,herskáu" yfirlýsingar forseta Íran saman við herskáar yfirlýsingar breta og bandaríkjamanna (sem meir en nóg er til af).

Hreinar ögranir hafa aukist stig af stigi eftir því sem tíminn fyrir Bush-stjórnina til að ráðast á Íran, er að styttast.

Bendið mér á dæmi um árásargirni og ,,ógn" af Írönum.

Bendið mér á nágrannalönd Íran sem hafa þurft að óttast innrás Írana.

1980 þurftu Íranir að verjast innrás Saddam Hussein (sem fékk fullan stuðning rússa, bandaríkjamanna, frakka og fleiri þjóða).  

Mér er alveg sama hver kalla mig ,,öfgamann".  Það eru til verri öfgamenn en ég. Ég veit nákvæmlega hvaða aðferðum Bandaríski herinn, Pentagon og leyniþjónustan hafa notað í áratugi - svo skipulega, að það er orðinn heill þekkingariðnaður kringum þessar áróðursaðferðir. Þess háttar herferðir hafa verið notaðar um allan heim til að þvinga fram vilja valdaþyrstra öfgamanna, dæla út áróðri og lygum.

Það eru til mörg klassísk dæmi um hvernig þetta er gert:

Panama - Áróðursherferðin gagnvart Noriega. ,,Vonda´´ stjórnin hans Alliende. Lygarnar gagnvart Milosevic (upplognar fréttir um ,,fangabúðir´´ með fölsuðum fréttamyndum). Hitakassarnir í Kúveit - leikin ,,frétt´´  - dóttir forsætisráðherra Kuveit minnir mig að hafi leikið hina ,,skefldu" konu sem átti að hafa verið vitni að tilbúnum ,,hryllingi". Skrípaleikurinn kringum ægilega ,,ógn af  hryðjuverkum", þegar vantar hentuga óvini, er líka dæmi um hvernig hægt er að setja af stað hreina áróðursherferð sem mikið til er úr lausu lofti gripin. 

Með því er ég ekki að segja að BNA eða bretar séu einu ríkin sem beita slíkri slælegri lygataktík - rússar eru góðir í þessu, t. d., það sést á því hvernig þeir reyna að sverta téttana. En það hafa engir náð þessu atvinnumannsstigi í beitingu hreinna lyga betur en Pentagon og CIA - í ofanálag fylgir svo auðvitað aragrúi af hreinum stríðsáróðursmyndum. 

Kannski er það rétt að ekki þurfti sérstaklega að sverta Saddam Hussein. En það breytir því ekki að upplognar ástæður fyrir innrás höfðu ekkert með raunverulegar ástæður innrásar að gera.

Það sama er um það bil að fara að endurtaka sig fyrir framan augun á okkur: Leitað er dyrum og dyngjum að hentugum ástæðum til að ráðast á Íran, enda löngu búið að ákveða það (sbr. bygging 14 herstöðva í Írak og fjöldi flugmóðurskipa á Flóanum).

Það er í raun órúlegt hvað Íransforseti hefur haft sig lítið í frammi (og hversu diplómatískt hann leysti mál sjóliðanna 15, t.d.)  - miðað við það að það er búið að umkringja Íran.

Ef það væri búið að umkringja húsið ykkar, mynduð þið ekki reyna að verja ykkur? 

[Guðmundur Björn, 2.9.2007 kl. 21:00]

Halldór minn; það er nú eilítið slappt að vitna í Wikipedia.  

Varð líka ekki allt vitlaust í öfgaheimi arabanna, þegar Páfinn vitnaði í einhvern varðandi Múhammeð? 

[Halldór C. (IP-tala skráð) 2.9.2007 kl. 23:40]

Jú, athyglisverður punktur hjá þér, Guðmundur - Páfinn vitnaði í býsanska keisarann Palelogos: ,,Sýnið mér eitthvað nýtt sem Múhameð hefur fært okkur, og þar munið þér einungis finna grimmd og ómennsku, svo sem boð hans um að breiða út trú með sverði ..“

En ég sé ekki að þar hafi nein viljandi þýðingarvilla verið á ferðinni . Ahmadinejadvitnaði í Khomeini og sagði: ,,Ég vona að stjórnin sem situr í Jerúsalem muni líða undir lok. „

[rezhim = regime= stjórn, EKKI Ísarael sem land]

Ég vitnaði í WikiPediu vegna þess að samantektin þar er skýrari fyrir leikmenn en annars staðar.

Það er af nógu að taka um þessa þýðingarvillu. Hér eru fleiri heimildir sem sýna hvernig reynt var (mjög líklega af ásettu ráði) að snúa út úr orðum forseta Íran:

Jonathan Steele þýðir ,,árásargjörnu“ yfirlýsingu Ahmadinejads svona í Guardian:

"the regime occupying Jerusalem must vanish from the page of time"

(http://commentisfree.guardian.co.uk/jonathan_steele/2006/06/post_155.html)

Það stemmir við þýðingu Juan Cole ,forsvarsmann  Global Americana Institute:

"He didn't say, 'wipe off the map,' he said 'erase from the page.'

Það er mikill munur á því; það sem Ahmadinejad sagði nákvæmlega, þegar hann vitnaði í Ayatollah Khomeini erkiklerk, var að hann vonaði að stjórn Síonista í Jerúsalem liði undir lok, - hyrfi.

Það er MIKILL munur þar á, og á hinn bóginn hvernig David Cameron eða Herald Tribune búa til ,,herskáa“ yfirlýsingu úr orðum hans. David Cameron túlkaði orð hans svona:

"Especially as the president [of Iran] has said that he wants to wipe the state of Israel off the map."

(http://www.telegraph.co.uk/news/main.jhtml;jsessionid=ORWWKLFIA1DS5QFIQMGSFF4AVCBQWIV0?xml=/news/2007/01/26/ntory26.xml)

En ég væri ekki að rausa þessar endalausu romsur, efþetta dæmi hér að ofan væri einangrað tilfelli.

Það er langt frá því. Eins og ég rakti hér að ofan, er áróður sk. ,spin doctors´ orðinn að sérstakri iðngrein sem felst í því að mála skratta á veggi eftir hentugleikum – hversu langt frá raunveruleikanum sem þær ásakanir eru. Ég hef séð þessum sérdeilis óheiðarlegu fjölmiðlaaðferðum beitt gegn Kastró, Noriega, Saddam Hussein, Arafat, Hugo Chaves, Milosevic –  Þessar aðferðir byggja á að klína einhverju á ,,óþæga“ valdhafa og endurtaka það í síbylju, nánast eins og möntru.

Sífelld endurtekning er eitt af aðalbrögðum áróðursmeistara (Göbbels notaði þá tækni t. d. Mikið) – því að jafnvel þó að við séum ekki viss um að þessar endurteknu klisjur séu réttar – eða þó að við vitum að þær séu rangar (margir vissu að engin gereyðingarvopn væru í Írak, t.d.) – þá síast ,,sannleikurinn“ inn, hægt og rólega.

Til þess er leikurinn gerður.

Ég endurtek enn og aftur: Ég vil fá að sjá skýr dæmi um árásargirni Írana á alþjóðavettvangi, sérstaklega þar sem spá mín um yfirvofandi innrás virðist á rökum reist (sbr. Sunday Times og RÚV í dag). Ég hef leitað á netinu að þessari ræðu sem á að hafa verið send út á APN-fréttastöðinni í apríl, og Jóhann vitnar í hér að ofan. Fann ekkert árásargjarnt.  Fann hins vegar ræðu sem Ahmadinejad flutti á ráðstefnu í apríl 2006, - og verð að viðurkenna að þó að þar sé hellingur af væmni og sjálfshóli, er  ég 100% sammála sumu sem hann segir þar, ss:

"Why should a small handful of people ignite the entire world, merely in order to fill their pockets? Why?
We are against this method of running the world, and we say this clearly. I am declaring clearly that I am against the policies of the U.S. and England in running the world.“

(http://youtube.com/watch?v=K_Bs-cf1avk) 

[Gunnar Th. Gunnarsson, 2.9.2007 kl. 23:43]

Ótal myndir af götum Tehera sem sýna friðsemd Írana, sjá næstu færslu.