Maður og kona

Hjón voru úti að borða á fínum veitingastað þegar stórglæsileg kona gengur að borðinu þeirra og kyssir eiginmanninn heitum kossi og segir svo " sjáumst á eftir", og labbar svo í burtu. Eiginkonan gefur kallinum eitrað augnaráð og spyr svo "hver í fjáranum var þetta?"

"Þetta er hjákonan mín" svarar eiginmaðurinn.  Konan: "Nei nú er mælirinn fullur, ég heimta skilnað!" Maðurinn; "Ég get skilið það, en mundu að ef við skiljum þá verða engar fleiri innkaupaferðir til Parísar, engar vetrarferðir til Barbados, engar sumarferðir til Ítalíu og enginn Bens og Lexus í bílskúrnum þínum. En þín er ákvörðunin".

Í því kemur sameiginlegur vinur þeirra inn á veitingastaðinn með fallega konu sér við hlið.

"Hver er  þetta með honum Sigurði?", spyr konan. "Þetta er hjákonan hans", svarar maðurinn. "Okkar er fallegri", sagði þá frúin.

 

 

 

 

Athugasemdir

[Jóhann Elíasson, 24.8.2007 kl. 10:37]

Þessi var með þeim betri.

[Árni Gunnarsson, 24.8.2007 kl. 12:54]

Þessi var góður og minnir mig á litla drenginn í sveitinni forðum.

Það var siður á bænum að þegar kisa eignaðist kettlinga var öllu fargað nema einum. Stráksi hafði verið látinn velja hver yrði settur á.

Nú eignaðist mamma hans tvíbura og þegar foreldrarnir leiddu hann að vöggunni horfði hann vandlega á nýfædda bræður sína. Svo setti hann upp alvörusvip og mælti með þunga er hann benti á annan:

"Þennan vil ég láta lifa.!"