Verður þessu ekki mótmælt?

Ég bíð bara eftir að einhver dpjúpspakur segi mér hverslags fásinna þetta er svo ég geti byrjað að mótmæla

90 ný störf með nýrri aflþynnuverksmiðju í Eyjafirði

Athugasemdir

[Árni Gunnarsson, 15.8.2007 kl. 15:24]

Sæll félagi!

Af því stórvirkjanir og álver eru endalaus ágreiningsefni og af því við erum svo ágætlega ósammála um flest þau efni:

Án þess að hafa kynnt mér hvernig orkuöflun á að setja í gang í tengslum við þetta verkefni líst mér bara heldur vel á þetta. Hingað er flutt með risaskipum stórhættulegt eiturefni til hráefnisframleiðslu sem síðan er flutt héðan sem hráefni. Stórfelld landspjöll vegna orkuveitna eru óhjákvæmileg en hvað stórfelld landspjöll eru, það er svosem líka ágreiningsmál.

Nú er áformað að taka eitthvað af þessu hráefni til fullvinnslu og það breytir dæminu allmikið í mínum augum því þarna skapast mörg störf.

Mér er reyndar inngróin nokkur óbeit á ítölskum fyrirtækjum en fyrir því hef ég engin þau rök sem ég treysti mér í deilur um.

Nú er eftir að sjá hvort okkur tekst að finna orku handa þessu fyrirtæki og þá eftir þeim leiðum sem þokkaleg sátt verður um. Stór hluti af þeim deilum sem orðið hafa og enn eru um virkjanir stafa af klaufaskap. Þær hafa oftar en ekki hafist með dýrum upphafsframkvæmdum áður en öll leyfi hafa verið til staðar og án þess að fullnægjandi upplýsingar hafi legið fyrir. Í svo viðkvæmum málum verður að vera búið að kynna fyrir þjóðinni alla þætti framkvæmda og afleiðingar í tilliti umhverfis og lífríkis. Þá tekur við umræða og hún þarf að fá sinn tima til að hitna og síðan tíma til að kólna.

Þau huglægu og tilfinningalegu verðmæti sem náttúra landsins býr yfir er erfitt að meta í krónum. Þó er það einmitt aðkallandi verkefni en sú vinna verður aldrei unnin af fulltrúum stjórnmálaflokka svo vel sé.  

Með bestu kveðju og von um að þú eigir eftir að þroskast í þessum umhverfismálum!

[Arnar Ævarsson (IP-tala skráð) 15.8.2007 kl. 16:24]

Ja mikið er ég hjartanlega sammála þér Árni, nokkuð mikið til í þessu.

[Gunnar Th. Gunnarsson, 15.8.2007 kl. 17:32]

Ég get alveg tekið undir flest sem þí segir Árni, tja...nema kannski þetta síðasta

[Árni Gunnarsson, 16.8.2007 kl. 09:44]

Sem var þó aðalatriðið Gunnar minn.