Fyrirgefningafasinn

 

Ófáir Samfylkingarmenn hafa lengi talað um að það sem algera nauðsyn að koma Sjálfstæðisflokknum úr ríkisstjórn. Ýmis ósannindi hafa verið borin fram um fráfarandi stjórn af Samfylkingunni og vindhanaháttur hennar hefur oft verið með ólíkindum, en kannski er það bara eðli stjórnarandstöðuflokka, sérstaklega þeirra sem hafa verið lengi í stjórnarandstöðu. Andstæðingar ríkisstjórnarinnar hafa undanfarin ár talað um "stjórnarþreytu" í ríkisstjórnarflokkunum. Ég held að stjórnarandstöðuflokkarnir hafi verið haldnir "stjórnarandstöðuþreytu".

En nú eru aðrir tímar framundan og tími til kominn að fólk úr röðum Sjálfstæðisflokks og Samfylkingar hætti að hugsa um fortíðina og líti fram á veg. Það er svo þægileg tilfinning að fyrirgefa. Prófið bara!

Athugasemdir

[Bjarni Kjartansson, 21.5.2007 kl. 14:18]

Á traustskalanum er hún ISG ekki í hávegum hjá mér.

Ekki kann ég að heldur við, hvernig viðræðunum lauk við Jón Sigurðsson, það var ekki í takt við kjörorð Heimdellinga ,,Gjör rétt, þol ei órétt".

 Hef tilfinningu fyrir að Geir hafi ekki verið fullkomlega herra aðstæðna allra.

fræðaþulir áa okkar sögðu  ,,köld eru kvennaráð", svo er enn.

Miðbæjaríhaldið

Hefði mun frekar viljað VG í samstjórn og að ekki hafi verið leikið tveimur skjöldum í viðræðum við fyrrum samstarfsmenn Flokksins, hefði verið nær kjarna okkar ástsælu arfleiðar.