Konur! Þegar karlar segja...

 

Einhverntíma var sagt að nei væri meyjar já, en svo var túlkunin á því eitthvað afbökuð og ekki lengur þorandi að halda slíku fram  En karlmenn sem hafa verið giftir til einhverra ára eða í sambúð, átta sig á því að spúsur þeirra segja ekki alltaf það sem þær meina og meina ekki alltaf það sem þær segja. Stundum þýðir það sem þær segja eitthvað allt annað. Og stundum þurfa þær ekki einu sinni að segja neitt til þess að maður skilji hvað þær meina. Reynslan kennir manni að "lesa" í þær og túlka skilaboðin sem manni eru send. Ég veit t.d. alveg hvenær minni konu mislíkar eitthvað sem ég segi eða geri. Ég heyri það á göngulagi hennar! Viðspyrnan í skrefinu breytist, verður ákveðnari og sneggri. Ég er orðinn svo næmur fyrir þessu, að ég tek eftir þessu um leið, á parketgólfinu heima. Þetta veitir mér auðvitað tækifæri til að bæta fyrir misgjörðina áður en frekari skaði hlýst af. En svona er þetta víst líka með okkur karlpungana. Hérna eru nokkur dæmi um það sem við segjum stundum og þýðingar á því:

Ég er ekkert að villast, ég veit nákvæmlega hvar við erum. Þýðir: Enginn mun nokkurntíma sjá okkur lifandi aftur.

Þetta er virkilega flott. Þýðir: Plís, ekki máta fleiri föt, ég er glorhungraður

Þú veist ég gæti aldrei elskað aðra konu.  Þýðir: Ég er orðinn vanur nöldrinu í þér og veit það gæti verið verra.

Hvað gerði ég nú?  Þýðir: Við hvað varstu að nappa mig

Það tæki of langan tíma að útskýra það. Þýðir: Ég hef ekki hugmynd um hvernig þetta virkar

Já, auðvitað elskan. Þýðir: Akkurat ekkert, ósjálfráð viðbrögð

Ég er að fara í veiðitúr. Þýðir: Ég ætla að drekka mig hættulega heimskan og standa við ánna með stöng í hendi á meðan fiskarnir synda framhjá í fullkomnu öryggi.

Það er athyglisvert elskan. Þýðir: Ertu ennþá að tala?

Þá vitið þið það, dömur mínar, við erum ekkert skárri en þið

 

 

Athugasemdir

[Jóhanna Fríða Dalkvist, 19.5.2007 kl. 09:58]

hahaha, takk fyrir leiðbeiningarnar

en hvað þýðir þegar þið segið að maturinn sé athyglisverður...

[Ágúst Dalkvist, 19.5.2007 kl. 11:28]

Frábær Gunnar

Ef maðurinn segir að maturinn sé athyglisverður Hanna, þá merkir það að þú hefur náð í mann sem ekki margar hafa náð í áður svo þú ert greinilega sérstök í hans augum, þar sem hann gerir greinilega enn byrjenda mistök

[Gunnar Th. Gunnarsson, 19.5.2007 kl. 18:09]

En ef karlm. segir: Á ég að hjálpa þér með matinn elskan? Þýðir: Afhverju er maturinn ekki kominn á borðið?

[Sigurgeir Orri Sigurgeirsson, 19.5.2007 kl. 23:54]

Ha ha, góður.

[Baldvin Baldvinsson (IP-tala skráð) 20.5.2007 kl. 09:41]

Það er eins gott að ruslsían er með flókin starðfræðidæmi, það yrði þá ekki fyrir svona leðurhaus einsog mig að koma með athugasemdir. 

En annars er þetta alveg frábær frásögn hjá þér Gunni minn og hvílkur sannleikur. Ég fer er skynja þetta með fótstappið þetta virðist ættgengt. En ég skemmti mér vel við lestur svona frásagna sérstaklega þegar þær eru kryddaðar með kanski ekki alveg sannleikanum, við getum ekki kallað það lygi en sagan verður bara alltaf skemmtilegri svona með smákryddi.

 Baldvin Baldvinsson

[Brynja Hjaltadóttir, 20.5.2007 kl. 22:16]

Hehe..sérstaklega góður þessi með veiðitúrinn..."drekka sig hættulega heimskan" er einmitt rétta lýsingin á því sem margir menn gera...reyndar konur líka...