Ö-in tvö

 

Athygli vakti í Kastljósinu í gær fúkyrði Steingríms J. Sigfúsonar í garð spyrjanda úr salnum, Sveins Hjartar Guðfinnssonar þegar hann beindi eftirfarandi spurningu til Steingríms :

Nú sagði Ögmundur Jónasson að Guð ætti að forða bönkunum frá því að þið[VG] komist til valda. Hvað felst í þessum orðum og hvað ætlið þið að gera gagnvart bönkunum?”

Fróðlegt er að sjá HÉR hvað gerðist baksviðs að þættinum loknum.

Það vill nú svo til að annar forystumaður á vinstri væng stjórnmálanna hefur viðhaft nánast sama orðalag um málefni bankanna, en að vísu er hann í öðrum flokki. Sá ágæti maður heitir Össur Skarphéðinsson. Þetta má lesa á bloggsíðu hans 16. feb. s.l.

"Þessu ætla ég semsagt að breyta þegar mínir menn fara í ríkisstjórn – og guð forði bönkunum frá því að gera annaðhvort mig eða Jóhönnu Sigurðardóttur að arftaka Árna Matt".

 

Það er gott að vita fyrir hvað þessir menn standa. Þeir eiga jú sína óska ríkisstjórn. Þeirra flokkar eru fagnaðarerindið sjálft í öllu sínu veldi.

Athugasemdir

[Gaukur Úlfarsson, 3.5.2007 kl. 18:57]

Ykkur er algerlega fyrirmunað að opna á ykkur munninn eða færa færslu hérna á netinu án þess að verða ykkur til skammar. Reynið nú í það minnsta að bera fram spurninguna þannig að í fyrsta lagi hún skiljist og í öðru lagi að rétt sé haft eftir. Því einsog þú sjálfur kemst að hér en áttar þig ekki á, þá eru þessi ummæli eru ekki höfð eftir Ögmundi.

Kjánar!

[Gunnar Th. Gunnarsson, 3.5.2007 kl. 22:31]

Ég fór nú inná bloggið þitt Gaukur og veit satt að segja ekki hvað ég á að halda. Sjálfsagt ertu voða sniðugur, bara ekki fyrir minn hatt.

En þetta komment þitt er afskaplega heimskulegt, svo ekki sé meira sagt. Allt sem stendur í pistlinum er rétt og satt og þeir sögðu þetta báðir.

Ögmundur á Vísir.is 4. nóv 2006: Ögmundur Jónasson, alþingismaður og formaður BSRB, segir það til vinnandi að senda viðskiptabankana úr landi til að geta aukið jöfnuð í samfélaginu.

Og einnig: Er þotuliðinu fórnandi fyrir meiri jöfnuð og félagslegt réttlæti? Mitt svar er já," skrifar Ögmundur. 

Og hafðu það kjáni