Ekkert hlýnað í 16 ár

Þegar bent er á þá staðreynd að ekkert hefur hlýnað á jörðinni sl. 16 ár, þá segja þeir sem mestar áhyggjur hafa af mannanna verkum, t.d. eins og þeir hjá Loftslag.is, að fólk afneiti staðreyndum um hlýnun af mannavöldum.

"Það er ekki bara ég sem segi það, það segja það allir", segja þessir alarmistar (eins og það séu rök) og segja að 97% loftslagsvísindamanna standi á bak við fullyrðingar um hlýnun af mannavöldum.

Komið hefur í ljós að töluvert stór hluti þeirra sem taldir eru til þessara 97 prósenta, er alls ekki loftslagsvísindamenn, heldur vísindamenn á öðrum sviðum.

Þeir vísindamenn (og aðrir) sem draga í efa að hin hnattræna hlýnun sé af mannavöldum, eru úthrópaðir sem "afneitunarsinnar" og jafnvel erindrekar olíufyrirtækja og reykspúandi verksmiðja.

Í hlekknum hér að neðan má finna afar athyglisverða grein frá "afneitunarsinnum", sem ég vil frekar kalla efasemdarmenn. Á bak við greinina standa loftslagsvísindamenn. 

http://freebeacon.com/wp-content/uploads/2013/09/20130911_OurCoolingClimateCapitolHill16thSeptember2013.pdf

Metmagn gróðurhúsalofttegunda

Athugasemdir

[Haukur Kristinsson (IP-tala skráð) 6.11.2013 kl. 16:38]

Notaðu nú þrjóskuna á jákvæðan hátt, Gunnar Th., en ekki með svona bulli.

Hvað vakir eiginlega fyrir þér?

 

David Arichibald er einn af þekktustu "it's the sun" myth rugludöllum.

Hann og hans félagar eru allir á "payroll"´olíufélaganna.

 

Hvað ætlar þú að bjóða okkur upp á næst? Afneitun á þróunarkenningu Darwins? 

Vonandi annars allt í góðu hjá ykkur ál-álfunum fyrir austan.

 

Kveðja frá Hellas.

 

[Gunnar Th. Gunnarsson, 6.11.2013 kl. 16:45]

Dæmigerð viðbrögð, Haukur

[Emil Hannes Valgeirsson, 7.11.2013 kl. 13:17]

Mér sýnist spár "efasemdamanna" ekki alveg lausar við glannaskap. Á bls 29 í meðfylgjandi grein á öll hlýnun norðurhvels síðustu 150 ára að vera gengin til baka og gott betur á næstu 1-2 árum. Sú kólnun þyrfti að vera afskaplega skörp á stuttum tíma þar sem hún er ekki enn hafin, sbr. ný gröf frá Nasa-Giss:

http://data.giss.nasa.gov/gistemp/graphs_v3/Fig.B.gif

[Sveinn Atli Gunnarsson, 7.11.2013 kl. 13:38]

Gunnari finnst ekkert rangt við að vísa í vægast sagt vafasöm gögn afneitunarsinna til að bakka upp bullið í sér - og svo verður hann bara hálf fúll þegar honum er bent á bullið - jæja, kannski dæmigert hjá þeim sem afneita vísindum með tilvísun í einhvern olíugúrú sem er litaður af eigin hagsmunum:

Archibald is a scientist operating in the fields of cancer research, climate science, and oil exploration. In oil exploration, he is operator of a number of exploration permits in the Canning Basin, Western Australia.

Sjá David Archibald

Einnig má lesa eitthvað um hugmyndir hans á SkepticalScience, sjá t.d. Why David Archibald is wrong about solar cycles driving sea levels (Part 1) - það er vafalítið meira af efni til þar sem farið er yfir aðferðafræði hans og sérval gagna sem passa inní hugmyndaheim hans og persónulegar skoðanir.