Pólitískar sumarbúðir fyrir börn

Tryggvi Þór Herbertsson alþingismaður veltir upp spurningu á facebook-síðu sinni:

"...finnst engum athugavert að safna börnum og unglingum kerfisbundið saman á afskekktri eyju í þeim tilgangi að innræta þeim tiltekna flokkspólitíska stjórnmálaskoðun????"

Einhverjir í athugasemdarkerfinu fullyrða að samkomur SUS séu af sama meiði, sjá hér. Ég veit ekki til þess að SUS haldi pólitískar sumarbúðir fyrir börn á fermingaraldri.

Árni Snævar vill þagga niður í svona vangaveltum og æskir þess við Tryggva að hann taki þetta út. Fleiri tjá sig á facebook og telja að kominn sé tími til að Tryggvi hætti þingmennsku, væntanlega vegna þess að hann dirfist að nefna þetta. Mér finnst eðlilegt að fólk velti þessu fyrir sér.

ps. Athugasemdir í hneikslunartón, hrúgast inn á fésbókarsíðu Tryggva. Af hverju má ekki spyrja þessarar spurningar?

Loksins hægt að horfa fram á við

Athugasemdir

[Skúli (IP-tala skráð) 24.8.2012 kl. 22:50]

Alveg ágætis pæling, en er þetta rétti tíminn til að pæla í þessu?  Snýst þetta ekki um fjöldamorðingjann, ekki sumarbúðirnar?

[Gunnar Th. Gunnarsson, 24.8.2012 kl. 23:41]

Rétti tíminn? Það er meira en ár frá þessum voðaatburði? hvenær er þá rétti tíminn? Eru hneikslunargjarnir jafnaðarmenn á Íslandi með einhverja sérstaka tímasetningu í huga?

[Gunnar Th. Gunnarsson, 24.8.2012 kl. 23:52]

Þeir vilja greinilega koma í veg fyrir svona umræðuefni. Það mætti jafnvel spyrja; hvers vegna?

[Arnór Baldvinsson, 25.8.2012 kl. 00:49]

Sæll félagi,

Ég veit nú ekki hversu mikið pólitík var til umræðu hjá þessum krökkunum, en má þá ekki spyrja á móti, er eitthvað að því að unglingar taki þátt í pólitískri umræðu?  Mér finnst þetta nú bara hluti af tjáningarfrelsi.  Held að þetta hafi nú verið mest sumarbúðir fyrir unglinga. 

En mér sýnist eftir því sem þú segir, að fólk hafi ekki skoðað vel hvar Utøya er.  Þessi smáeyja (um 500 metra löng og 300 metra breið) er 30km loftlínu frá miðborg Oslóar, eða álíka og frá Reyðarfirði upp í Egilsstaði.  Fjarlægðin frá næsta þéttbýli Oslóar er aðeins um 15km.  Utoja er aðeins um 600 metra frá landi.  Þetta samsvarar því að fara frá Álverinu í Straumsvík til Viðeyjar, sem er líka rétt um 600 metra frá landi.  Fjarlægðin frá miðborg Oslóar, er svipuð (aðeins styttri) en loftlínan frá Vogum að Viðey.  Er hægt að kalla það afskekt?  Þetta er nú ekki eins og þetta hafi verið á Jan Mayen;)

Mér finnst svolítið skrítið að vera að pæla í þessum sumarbúðum sem þarna voru (Utøya var notuð til allskonar samkoma og útilega, ekki bara á vegum ungliðahreyfingar verkamannaflokksins, þó hún hafi átt eyjuna undanfarna hálfa öld eða svo)  Síðan árásin var gerð hefur eyjan ekki verið notuð og það eru uppi deilur um hvað á að gera við hana.  Viðgerir hafa farið fram og sum húsanna hafa verið rifin.  Sumir vilja að þar verði starfsemi áfram en sumir vilja að hún verði notuð sem minnisvarði og minningarreitur um þá sem létust.  Málið er að snarbrjálaður maður fór þarna, dulbúinn sem lögreglumaður og slátraði 69 manns, þar af 33 yngri en 18 ára.  Mér finnst öll önnur umræða fölna í samanburði.

Kveðja,

[Gunnar Th. Gunnarsson, 25.8.2012 kl. 02:16]

Þetta er afskekt í þeim skilningi t.d. að það tók lögregluna rúmlega klukkutíma að komast á staðinn. En ok, látum það liggja milli hluti enda ekki aðal atriðið í þessu.

-

Auðvitað voru þetta pólitískar sumarbúðir, þeir fara ekkert í felur með það. Finnst þér það vera partur af tjáningarfrelsi að foreldrar ali börn sín upp á pólitískum forsendum?

[Hrólfur Þ Hraundal, 25.8.2012 kl. 07:52]

Auðvita er þetta afskekkt og þarna fór fram pólitísk innræting, gerðu þig ekki að meiri kjána en þörf krefur Arnór. 

En þessi atriði skipta litlu máli varðandi atburðinn þar sem úlfur kemur í sauðagæru, þar sem morðingi kemur í búningi verndara og drepur sér til ánægju eins og hann væri að spila tölvulek.

Þessi morðingi er augljóslega heigull því hann sem þorði að drepa vopnlausa unglinga, þorði ekki að mæta örlogum sínum þegar lögreglan var kominn og að honum beindust vopn, heigull er hann og óverðugur lífs.  Samt fékk hann allar sínar óskir uppfyltar. 

         

[Leifur Þorsteinsson, 25.8.2012 kl. 17:28]

Ungliða samkomur sem þessar hafa ekki þótt sérlega heppilegar, eftir tíma Hitlers

æskunar og ungliða hreyfingu konninforms. Í seini tíð hefur verð horfið frá einknnis

klæðnaði og slíku.

[Gunnar Th. Gunnarsson, 25.8.2012 kl. 23:50]

Mér finnst í sjálfu sér ekkert að ungliðahreyfingum sem slíkum. Ungt fólk með stjórnmálaáhuga vill félagsskap hvers annars.

En pólitískar uppeldis og innrætingarbúðir fyrir börn niður í 13-14 ára aldur, finnst mér á dökkgráu svæði.

[Skúli (IP-tala skráð) 26.8.2012 kl. 01:40]

Nú veit ég ekki hvor hneykslunargjarnir jafnaðarmenn sem þú talar um hafi neina ákveðna tímasetningu en mér persónulega og fleirum finnst það frekar smekklaust að fara að ræða þetta daginn sem villidýrið, sem drap saklaust varnarlaust fólk, unga sem aldna, er dæmt í fangelsi, vonandi þar til hann drepst.  Svo eins og hefur verið bent á hér að ofan skiptir það litlu máli varðandi atburðinn, sem var bæði framkvæmdur í miðborg Osló og Útey.  En mér finnst ekkert að því að ræða þessi mál og finnst það líka á dökkgráu svæði að vera með börn alveg niður í 13-14 ára í svona sumarbúðum.  Tryggvi hins vegar, jahh, hvað getur hann þá sagt við þessu? http://www.dv.is/frettir/2012/8/25/tryggvi-thor-setti-sjornmalaskola-sjalfstaedisflokksins/

[Jens Guð, 26.8.2012 kl. 02:00]

  Ég er fæddur og uppalinn í Sjálfstæðisflokknum.  Pabbi var formaður þar í Skagafirði.  Ég held að ég hafi verið um 12 ára þegar ég byrjaði að fara með pabba á allskonar fundi á vegum flokksins.  Það var bara gaman.  Pabbi var með sláturhús á Sauðárkróki.  Það var hið versta mál að láta slátra lömbum í sláturhúsi framsóknarmanna, KS, á Sauðárkróki.  Ég byrjaði að vinna á sláturhúsinu hjá pabba 12 ára.  Við sjálfstæðisflokkstittirnir á sláturhúsinu fórum stundum upp í KS sláturhúsið - þegar tími gafst til - til að lemja framsóknartittina þar.  Það var líka gaman.   

[Jens Guð, 26.8.2012 kl. 02:06]

  Til að allt sé uppi á borðum þá er ég ekki í Sjálfstæðisflokknum í dag heldur þykir mér líklegast að ég kjósi Dögun.  Afstaðan til kvótadæmisins vegur þyngst. 

[Gunnar Th. Gunnarsson, 26.8.2012 kl. 17:50]

Mér finnst töluverður munur á því að bjóða upp á námskeið fyrir alla á vegum stjórnmálaflokka og að smala saman börnum og unglingum í pólitískar sumarbúðir