Gunnar Th. Gunnarsson

Arðsöm styrkveiting

Arðsemi er töfrahugtak nútímans. Allt þarf að skila arði og sumir eru með hundraðshlutfallið á hreinu.... tíu er oft sagt "ásættanlegt"

Það er vel hægt að reikna út arðsemina í beinhörðum peningum, af því að halda fársjúkum alkóhólistum frá neyslu. Hinn mannlegi harmleikur sem hægt er að losna undan, verður þó seint hægt að reikna til króna og aura. Hugsum til barnanna og annarra aðstandenda hinna veiku.

Allir eiga vin eða ættingja sem eiga við áfengis eða fíkniefnavanda að eiga. Sýnið þeim vinarþel og látið fé af hendi rakna til styrktar SÁÁ. Þeim peningum er vel varið.

	SÁÁ leitar eftir aðstoð
Ábyrgðarmaður færslu Tilkynna um óviðeigandi tengingu við frétt

Flokkur: Heilbrigðismál | 5.12.2011 | Facebook

Athugasemdir

Gunnar. Ég ráðlegg þér að kynna þér vel sögu og raunverulega stefnu SÁÁ.

Mörg börn eiga líka foreldra með önnur heilsufarsleg vandamál, sem þeir hafa ekki efni á að borga! Hver er að safna fyrir þau börn? Söfnum fyrir öllum árangursríkum faglegum sjúklingameðferðum, en sleppum því að safna fyrir árangurslitlum og ófaglegum trúarbragðameðferðum.

Þannig hjálpum við flestum börnum.

Svo væri ekki vanþörf á að fara yfir það, hvað fara margir í áfengismeðferð til útlanda! Þeir lenda ekki á svarta lista SÁÁ-kerfisins á Íslandi, heldur kaupa sér vandaða meðferð erlendis.

Er það ekki óréttlátt, að bara sumir hafa efni á vandaðri og óspilltri meðferð í útlöndum?

Er ekki rétt að taka allar hliðar heilbrigðismálanna, og hætta þessari klíkupólitík í öllum málum á spillta landinu Íslandi?

Fáfræði almennings á Íslandi um þessi mál hlýtur að vera aðhlátursefni um allan siðmenntaða heiminn, enda er íslenskum ríkisfjölmiðlum stýrt af hættulegustu mafíu heims, sem er lyfjamafían!

Hér er svokölluðum "hættulausum" lyfjum dreift á sjúklinga í of mörgum skömmtum,á meðan lífsnauðsynlegum greiningum og lyfjum er haldið til baka með áróðri lyfjamafíunnar, sem stjórnar ríkisfjölmiðlunum á Íslandi í dag.

Mjög margir fara í SÁÁ-meðferð vegna svokallaðra "hættulausra lyfja" sem skrifuð eru út í stórum stíl af lyfjamafíu-kúgaðri læknastéttinni, þrátt fyrir að uppgötvað hefur verið um skaðsemi þessara lyfja!

Það er endalaus barátta, að glíma við lyfjamafíuna.

Ég ráðlegg hverjum og einum að kynna sér hvernig meðferðarmálum á Íslandi er í raun háttað, og hver sé raunverulegi árangurinn og tilgangurinn með þessu batteríi hjá SÁÁ. Og kynni sér meðferðarstofnanir erlendis til samanburðar.

Gerum það fyrir börn framtíðarinnar, að taka upplýsta og ábyrga afstöðu til mikilvægra mála.

Raunverulega réttlætið er mikilvægast fyrir alla.

M.b.kv.

Anna Sigríður Guðmundsdóttir, 5.12.2011 kl. 17:43

Þetta er magnaður pistill hjá þér, Anna Sigríður, en er því miður byggður á ranghugmyndum varðandi SÁÁ.

Aðferðarfræði SÁÁ í meðferðarúræðum er byggð upp að Bandarískri fyrirmynd, en hefur einnig verið þróuð áfram af íslenskum læknum. Aðferðarfræðin er í stöðugri þróun og endurskoðun.

Mér þykir leitt að sjá hversu heiftug þú ert út í SÁÁ og ég vona innilega að viðhorf þín endurspegli ekki viðhorf margra í þjóðfélaginu.

Gunnar Th. Gunnarsson, 5.12.2011 kl. 18:29

Gunnar. Ég er kannski heiftug eins og þú segir, en mig grunar að þú þekkir ekki allar hliðar þessara mála. Það er skiljanlegt að fólk þekki ekki alltaf allar hliðar mála, þar sem fjölmiðlar eru mjög tregir til að fjalla um málin með hag heildarinnar að leiðarljósi.

Bandaríkin eru fyrir löngu síðan komnir með vandaða meðferð og fræðslu um þessi mál, en SÁÁ er bara ekki í takt við nútímann. Þeim sem reka SÁÁ var kennd einhver rulla fyrir tugum ára síðan, um að íslensk meðferðarúræði á Vogi væru þau bestu í heimi. Síðan liðu nokkrir áratugir, án endurmenntunar eða almennra framfara í þessum málum á Íslandi.

Hvernig getur fær geðlæknir sagt með góðri samvisku og eiðsvarinn, að trúarbrögð eigi að lækna sjúkdóma óreglufólks, sem stafa af undirliggjandi sjúkdómum eða röskunum?

Er eitthvað undarlegt að maður krefjist þess að sannleikurinn og réttlætið ráði för í þessum málum?

Ég tek það fram að ég er trúuð, en er ekki trúuð á að einhvers-guðs-trú geti læknað líkamlega sjúkdóma í stjórnstöð heilans. Er ekki heili fólks líkamlegt stjórnkerfi? Ef eitthvað virkar ekki í þessari líkamlegu stjórnstöð, þá dugar ekki að biðja bara bænir, nema í fyrstu umferð.

Og ekki gagnast það neinum að hætta að gagnrýna spillinguna á Íslandinu, sem sumir sögðu fyrir nokkrum árum síðan, að væri óspilltasta land í heimi, og með bestu áfengismeðferð í heimi!

Ég vona að þú skiljir eitthvað af því sem ég er að reyna að koma á framfæri. Ég er ekki að reyna að klekkja á neinum, síður en svo, heldur að reyna að hjálpa fólki að skilja sannleikann í þessum málefnum á Íslandi, og stoppa spillinguna.

Ekki verð ég vinsæl af að voga mér að gagnrýna SÁÁ, það veit ég vel, enda er ég ekki að sækjast eftir vinsældum, heldur réttlæti. Einhver verður að taka þessa orrustu-rökræðu um lyfjamafíuna, ef eitthvað á að breytast og batna á Íslandi. Ég er ekki í vinnu, og hef þess vegna tíma til þess gagnrýnis-stríðs.

M.b.kv.

Anna Sigríður Guðmundsdóttir, 5.12.2011 kl. 19:31

Ég sé að ég veit miklu meira en þú um starfsemi SÁÁ, því þú veist greinilega ekkert.

Meðferðarfulltrúar SÁÁ eru í góðu sambandi við meðferðarstofnanir, sérstaklega í Bandaríkjunum, en þeir hafa þótt fremstir á þessu sviði. Fulltrúar meðferðarstofnana á Norðurlöndunum koma hingað (mér liggur við að segja "í pílagrímsferðir") til að kynna sér starf SÁÁ og stofnunin er ein sú virtasta í Evrópu.

Þú segir: "Hvernig getur fær geðlæknir sagt með góðri samvisku og eiðsvarinn, að trúarbrögð eigi að lækna sjúkdóma óreglufólks, sem stafa af undirliggjandi sjúkdómum eða röskunum?"

Þetta hefur engin hjá SÁÁ sagt. Hins vegar hafa margir bent á, að ef fólk finnur styrk hjá trúfélögum til að takast á við fíknivanda sinn, þá sé sjálfsagt að nota það ef annað hefur brugðist.

Gunnar Th. Gunnarsson, 5.12.2011 kl. 20:51