Auðvelt að útrýma þessum ósið

Það er mjög auðvelt að útrýma þeim ósið í umferðarmenningu okkar Íslendinga, að frískt fólk leggi í stæði fatlaðra. Lögreglan þarf ekki annað en að gera fyrirhafnarlitla rassíu á helstu bílastæðum borgarinnar og sekta þá bílstjóra sem leggja ólöglega.

Nokkur bílastæði fyrir fatlaða eru við verslunarkjarnann Molann á Reyðarfirði en hann var byggður 2005 að mig minnir. Nokkur brögð voru að því til að byrja með að "hinir frísku" legðu í þessi stæði, þó nóg sé af öðrum stæðum, báðu megin við Molann. Lögreglan kom þá reglulega í nokkra daga og sektaði miskunnarlaust hina brotlegu.

Síðan hefur þetta mér vitanlega ekki verið vandamál.

Bílstjórinn fékk aðvörun

Athugasemdir

[Ólafur Björn Ólafsson, 21.11.2011 kl. 17:14]

Eftir það liðu nokkur ár í niðurskurðarferli hjá löggæslustofnunum og er svo komið að maður rétt sér lögreglumenn ef það hefur orðið slys, því miður.

Með kveðju

Kaldi

[Gunnar Th. Gunnarsson, 21.11.2011 kl. 18:33]

Niðurskurður er engin afsökun fyrir lögregluna að kíkja eftir þessu. Þetta kostar ekkert aukalega fyrir lögregluembættin.

[Gunnar Th. Gunnarsson, 21.11.2011 kl. 18:34]

... að kíkja ekki eftir þessu, átti þetta að vera

[Leifur Finnbogason, 22.11.2011 kl. 04:27]

Væri ekki sniðugra að senda stöðumælavörð á rúntinn einn daginn með þetta aðalmarkmið?

[Gunnar Th. Gunnarsson, 22.11.2011 kl. 12:44]

Jú, eða það. En á meðan lítið er gert í því að sekta fyrir þetta, þá heldur þessi ósiður áfram.