Hjólreiðar- margar flugur í einu höggi

Það má segja að ég hafi fengið hjólreiðabakteríu í Hollandi í sumar og það fyrsta sem ég keypti mér þegar heim kom, var nýtt reiðhjól.

Mér finnst gaman að hjóla, sem er gott fyrir mig, því ég er latur í ræktinni. Hjólreiðar er umhverfisvænn fararmáti og ef hægt er að fá fólk, t.d. í Reykjavík, til þess að hjóla í vinnu, skóla o.fl., þá myndu mörg vandamálin í umferðarmálum verða úr sögunni.

Mörgum hrís e.t.v. hugur við að hjóla úr Breiðholti eða Árbæ og niður í bæ, og sennilega sérstaklega að hjóla til baka.... uppeftir. Veðrið getur verið gott að morgni en arfavitlaust síðdegis, eða öfugt. Þetta mætti leysa með strætisvögnum með "reiðhjólakerru" aftan í sér.

Borgaryfirvöld ættu auðvitað að setja reiðhjólastíga í forgang, það er nefnilega "nútímalegt" og þeir sem nota strætisvagna með "reiðhjólakerru" ættu alls ekki að þurfa að borga aukalega fyrir það.

"FRÍTT FYRIR HJÓLIN"!

Ég bloggaði í sumar um hjólreiðar í Groningen í Hollandi, sjá HÉR

Hjólreiðamönnum gefst kostur á að skoða umhverfi sitt nánar en öðrum ökumönnum

Hjólandi brúðhjón í Amsterdam

Athugasemdir

[Haukur Kristinsson (IP-tala skráð) 27.9.2011 kl. 17:54]

Loksins er ég sammála Gunnari TH. Var eiginlega búinn að gefa upp alla von. Er sjálfur hjólreiðamaður, eftir ég skyldi við jappann í Víkurskarðinu, alónýtan, í klessu. Besta slys sem ég hef orðið fyrir. Koma svo, hjólreiðamenn.

[Gunnar Th. Gunnarsson, 27.9.2011 kl. 18:20]

Góður, Haukur

[Rafn Haraldur Sigurðsson (IP-tala skráð) 27.9.2011 kl. 21:29]

Hjóla yfirleitt alltaf í vinnuna, styðsta leið fyrir mig eru rúmir 8 km. Þegar ég er í stuði vakna ég kl 6 og tek aukahring fer kanski út í kópavog fyrir Kársnesið og inn með kópavogsdalnum og svo niður  með Landvélum og yfir breiðholtsbraut á göngubrúnni og niður Elliðaárdalinn, þannig næ ég kanski 27 til 30 km með heimferðinni um kvöldið.

Það er eins æðislegt að hjóla framhjá Hörpu eins og það er ömurlegt að keyra þar núna eftir vegabreytingar þar og fjölgun umferðaljósa.  Ég kemst alltaf í vont skap þegar ég þarf að keyra þá leiðina en verð léttur í lundu þegar ég hjóla þar framhjá. Svo fer nú bráðum að frysta, þá legg ég hjólinu og tek fram vetrarhjólið sem er á nagladekkjum.

[Gunnar Th. Gunnarsson, 27.9.2011 kl. 22:48]

Skemmtilegt, Rafn

[Axel Jóhann Hallgrímsson, 28.9.2011 kl. 00:54]

Ef þetta er það sem mætir manni á hjóli, byrja ég á morgun.

[Gunnar Th. Gunnarsson, 28.9.2011 kl. 07:10]

Mér sýnist þetta hafa bjargað deginum hjá þessum á myndinni

[Hjóla-Hrönn, 28.9.2011 kl. 18:52]

Axel, of kalt hérna á Íslandi, en við erum margar spandexklæddar, það er næstum því eins gaman að mæta okkur....  Gunnar, Flottur og fróðlegur pistill um Groningen

[Gunnar Th. Gunnarsson, 29.9.2011 kl. 06:32]

Takk fyrir, Hrönn. Spandexið er flott líka

[Rafn Haraldur Sigurðsson (IP-tala skráð) 29.9.2011 kl. 18:28]

Hvað er spandex?

[Gunnar Th. Gunnarsson, 29.9.2011 kl. 20:20]

[Rafn Haraldur Sigurðsson (IP-tala skráð) 29.9.2011 kl. 22:12]

Já sæll!