Fyrsti "útlendingurinn"

Ég sagði í bloggpistli fyrir nokkrum dögum að Gylfi og Lexi væru líklegir, og það kom á daginn.

Alexander er mjög vel að titlinum kominn, eftir mörg góð ár með landsliðinu. Hann gefur sig 100% fyrir handboltalandsliðið, og rúmlega það og virðist alltaf tilbúinn, bæði andlega og líkamlega. Hann spilaði kjálkabrotinn næstum heilan leik á evrópumótinu í Sviss 2006, en það virtist ekki skipta hann nokkru máli. Alexander er aðdáunarverður Íþróttamaður.

Ég held ég muni það rétt, að Lexi er fyrsti maðurinn sem ekki er infæddur mörlandi og hlýtur þennan titil. En hann hefur sýnt að meiri Íslendingur er ekki hægt að vera og raunar mættu margir innfæddir taka hann sér til fyrirmyndar.

Til hamingju, Lexi!

Alexander íþróttamaður ársins

Athugasemdir

[Jóhann Elíasson, 5.1.2011 kl. 23:37]

Allan tímann fannst mér ekki spurning að hann yrði fyrir valinu.  En getur verið að það hafi eitthvað verið að þvælast fyrir við kjörið að hann er ekki fæddur Íslendingur?????  Mér fannst hann ekki fá nógu og afgerandi kosningu............

[Gunnar Th. Gunnarsson, 5.1.2011 kl. 23:48]

Það voru náttúrulega ágætir kandidatar þarna innanum. T.d. fimleikadrottningin.

[Jóhann Elíasson, 6.1.2011 kl. 01:15]

Jú, rétt er það og allir sem þarna voru hafa unnið mikil afrek á árinu og kannski var það fljótfærni hjá mér að segja að hann hefði átt að fá meira afgerandi kosningu.  Miðað við hvað þarna voru sterkir kanditatar þá var titillinn enn SÆTARI.

[Gunnar Th. Gunnarsson, 6.1.2011 kl. 01:30]

sammála. Þetta var uppsafnað hjá Lexa

[Kristján P. Gudmundsson, 6.1.2011 kl. 11:48]

Já, strákar, við getum verið stoltir af ágætu vali ! Til hamingu með Lexa !

Kveðja, KPG.