Ekki góður kostur fyrir Liverpool

Frank Rijkaard var í frábæru liði Hollendinga sem varð Evrópumeistari með þeim Van Basten og "svarta túlipananum"Ruud Gulllit, ásamt fleiri snillingum. 

Rijkaard var hjá Barelona sem þjálfari í 5 ár. Mannskapurinn sem Barcelona hafði (og hefur) yfir að ráða, þarf ekki þjálfara, í eiginlegum skilningi þess orðs. Það þarf auðvitað verkstjóra á bekknum, bera í leikmenn vatn og teppi o.þ.h., en úti á vellinum taka leikmennirnir völdin.

Stundum er þetta svona eins og Arnór Gudjohnsen, faðir Eiðs Smára, getur staðfest. þegar hann var allt í öllu í gullaldarliði Anderlecht á sínum tíma, þá var einhver algjör blábjáni í stjórastöðunni, maður sem aldrei hafði sýnt eitt né neitt... og hefur ekki gert síðan.

Frank Rijkaard tók við frábærum mannskap hjá Barcelona og hann gat bætt við gæðin, nánast að vild. Hann keypti Eið Smára á sínum tíma frá Chelsea. Það var ómögulegt að sjá einhvern "Rijkaard stíl" á liðinu, nema helsta að liðið var ráðleysislegt og leiðinlegt þegar á móti blés.

 

 

 

 

 

 

 

 

 

 

 

 

 

 

Það er gaman að skoða breytingarnar á köppunum Rijkaard og Gullit, frá "lokkaprúðu árunum" til dagsins í dag.

Liverpool þarf þjálfara með mikla skipulagshæfileika, knattspyrnuþekkingu, er virtur og síðast en ekki síst, ... hann þarf að hafa Liverpoolhjarta. "This is Anfield" er ekki bara eitthvað skilti út í bæ. Klúbburinn á skilið að fá almennilegan þjálfara

Nokkur íslensk lið hefðu orðið meistarar með hvaða þjálfara sem er, vegna mannskapsins sem var til staðar. Ég nefni sem dæmi Skagamenn í kringum 1995 og KR-inga nokkrum árum síðar. Hugsanlega FH hin síðari ár, en það má þó ekki gleyma því að uppbyggingin tók töluverðan tíma í Hafnarfirðinum. FH-liðið var ekki hrist fram úr erminni einn,tveir og þrír.

Rijkaard er kannski ágætur í að taka við stjörnuliði, en þá á hann lítið erindi á Anfield. Þar stendur uppbyggingarstarf fyrir dyrum. Þeir þurfa Ferguson á svæðið.

Ps. Meðan ég man... íslenska A landsliðinu bráðvantar þjálfara. Einhverjar uppástungur?

Rijkaard hættur hjá Galatasaray

Athugasemdir

[Magnús V. Skúlason, 20.10.2010 kl. 16:56]

Er þá ekki bara fínt að fá Rijkaard sem A-landsliðsþjálfaranna okkar? :)

[Bjarni Pálsson (IP-tala skráð) 20.10.2010 kl. 17:28]

Góð greining hjá þér Gunnar.

Ég er sammála því að það kúl hárgreiðsla og flott jakkaföt mun ekki duga til að ná ásættanlegum árangri á Anfield.  Sá maður sem ég held að væri langbestur í að skapa rétta "you never walk alone" stemningu hjá Liverpool er einmitt á lausu um þessar mundir eftir að hafa yfirgefið vitlausa eigendur hjá sínu fyrra félagi.  Sá maður er Martin O'Neil.  Hann gerði frábæra hluti hjá Leicester, Celtic og skapaði skemmilegt lið hjá Aston Villa, þótt árangurinn hafi kannski ekki fullnægt eigendum þar.  Hann gæti orðið næsti Alex Ferguson í ensku deildinni ef hann fær rétt umhverfi.

Varðandi A-landslið Íslands tel ég rétt að bíða fram yfir lokakeppni EM og taka þá inn nýtt lið + þjálfara.

[Gunnar Th. Gunnarsson, 20.10.2010 kl. 18:00]

Bjarni, flottar pælingar.

Einhverjir hafa nefnt Kenny Dalglish, en ég hef efasemdir um hann sem þjálfara, þó hann hafi alla aðri kosti sem þarf í djobbið.

-

O´Neil er sennilega hárrétti maðurinn, Bjarni.

[Gunnar Th. Gunnarsson, 20.10.2010 kl. 18:04]

.... kannski með Dalglish sem aðstoðarmann.... sérlegan akademískan knattspyrnuráðgjafa