Auga með Steingrími og Jóhönnu

Ég má til með að birta hér "Staksteina" Morgunblaðsins í gær.

"Flugfélög í Evrópu telja sig hafa tapað háum fjárhæðum vegna ösku frá Eyjafjallajökli. Nefndir hafa verið 300 til 400 milljarðar króna.

Við þessar aðstæður er nauðsynlegt að hafa auga með þeim Jóhönnu og Steingrími J.

Viðbúið er að fram verði settar kröfur um að Íslendingar, sem beri ábyrgð á Eyjafjallajökli, greiði þennan kostnað.

Steingrímur og Jóhanna munu samviskusamlega taka fram að Íslendingar beri að sjálfsögðu enga ábyrgð á þessari framgöngu eldfjallsins og enn síður þeim vindum sem feyktu öskunni til Evrópu.

Í framhaldinu munu þau þó undirstrika að Íslendingar muni að sjálfsögðu standa við sínar skuldbindingar. Spurningin hljóti því að snúast um greiðslutíma og vaxtakjör.

Því næst munu þau snúa sér til Alþingis og þjóðarinnar og segja að ákvörðun um ríkisábyrgð á þessum skuldbindingum þoli enga bið, því það skaði samstarfið við AGS og setji í hættu endurreisnina, sem þau hafi unnið svo vel að og séu svo ofboðslega þreytt eftir.

Rithöfundar Baugs og Samfylkingarinnar munu fara mikinn í kjölfarið.

Þetta er fúlasta alvara."

Mér finnst þessi pistill algjör snilld

Akureyrarflugvelli líka lokað

Athugasemdir

[Jón Daníelsson, 24.4.2010 kl. 03:57]

Og þú skammast þín ekki?

Þetta er vissulega fínn brandari. Enda höfundurinn mikill snillingur. Mun betri en svo að hann þurfi endurbirtingar.

En það væri afar gaman að sjá ámóta góðan brandara frumsaminn af þér sjálfum :-)

Mbk - Jón Dan 

[Jóhann Elíasson, 24.4.2010 kl. 08:09]

FYRIR HVAÐ Á GUNNAR AÐ SKAMMAST SÍN?????  Það virðist vera mikið af svona "rugludöllum" á ferðinni eins og Jóni Daníelssyni og kannski ekki annað hægt  en að vorkenna svona mönnum.

[Axel Jóhann Hallgrímsson, 24.4.2010 kl. 09:24]

Hvað gerðist 11. okt. 2008? 

[Gunnar Th. Gunnarsson, 24.4.2010 kl. 09:49]

Þá blés vestanvindurinn fjármálahruni frá Íslandi, yfir Evrópu, þó aðallega Holland og Bretland.

[Halldór Jóhannsson, 24.4.2010 kl. 11:12]

Góður:):) Þau setja GOSSKATT:)Hraun-Ösku--hreingerningarskatt:)

[Axel Jóhann Hallgrímsson, 24.4.2010 kl. 16:41]

Þá samþykkti ríkisstjórn Geirs H Haarde að standa að fullu skil á Icesave og greiða 6% vexti. Góður díll að sögn.

Davíð hefur ekki munað þetta þegar hann skrifaði þennan Staksteinabrandara. Svo þarf iðulega að sveigja og hagræða sannleikanum til að skapa góðan brandara.

[Gunnar Th. Gunnarsson, 24.4.2010 kl. 17:17]

Geir Haarde og Ingibjörg Sólrún voru varla ábyrg gjörða sinna.... bæði fársjúk og í taugalosti í ofanálag.

-

Fyrir dómi fengju þau: "Ósakhæf!".