Himnaríki Steingríms Joð

Kæri Guð !! 
 
Á árinu tókstu frá mér uppáhalds söngvarann minn: Michael Jackson 
Uppáhalds leikarann minn: Patrick Swayze, : 
Uppáhalds leikkonuna mína:Farrah Fawcett og uppáhalds rithöfundinn minn: Mario Benedetti. :: 
Mig langaði bara að segja þér að uppáhalds stjórnmálamaðurinn minn er Steingrímur J Sigfússon 
 
 
Eftir bænastund við rúmgaflinn í gærkvöldi fékk ég svar frá Guði. 
 
…takk fyrir ábendinguna en Guð vill ekki sjá það að fá Stengrím J Sigfússon til sín, ástæðan fyrir því er að þá kæmi komugjald við Gullnahliðið, virðisaukaskattur á hörpuspilið og eignaskattur á skýinn. Fyrir utan sykurskattinn sem verður lagður á himneska sælu.. 

Vanhugsaðar skattabreytingar

Athugasemdir

[Offari, 14.1.2010 kl. 17:54]

Næst er bara að prófa að biðja Skrattann um að taka við honum.

[Ófeigur (IP-tala skráð) 14.1.2010 kl. 18:00]

Það má ekki gleyma því að þetta yrði líka félagslegt vandamál þarna uppi, því Steingrímur myndi ekki þekkja neinn!

[Ómar Ragnarsson, 14.1.2010 kl. 19:11]

Minnir á söguna sem Haraldur Á. Sigurðsson sagði og ég hef síðan staðfært: Ég fékk martröð og dreymdi að ég væri í erfiðri göngu upp að Gullna hliðinu þar sem fordæmdir hröpuðu fram hjá mér veinandi.

Fór að velta fyrir mér hvað ég ætti að segjast hafa gert á jörðinni og í þeim svifum sé ég að Árni Johnsen er á undan mér og er umsvifalaust kippt inn fyrir.

Þegar Pétur spyr mig um gjörðir mínar á jörðinni segi ég að það sé mjög margt, en þó megi tína það til að mig mætti kalla söngvara, svo mikið hefði ég sungið sem skemmtikraftur og inn á plötur.

Þá segir Pétur: Þarna fórstu með það. Söngvarar fá ekki inngöngu í himnaríki.

"Þetta finnst mér nú helvíti hart" segi ég. Ég sá ekki betur en að Árni Johnsen væri að fara inn í rétt í þessu."

"Árni Johnsen!" hrópaði þá Pétur, "hann var nú aldrei neinn söngvari."

[Gunnar Th. Gunnarsson, 14.1.2010 kl. 22:58]

 Góður, Ómar