Moldrok á Austurlandi

Oft heyrist í umræðunni um Hálslón við Kárahnjúka, að vegna misjafnrar vatnsstöðu í lóninu þá verði mikið moldrok í þurrum Suð-Vestanáttum. Svo mikið að það verði jafnvel vandamál niður á fjörðum. Ekkert er gefið fyrir mótvægisaðgerðir. Þeir sem búa á Austfjörðum þurfa ekki Hálslón til að þekkja moldrokið. Oft er það svo mikið af Austurhálendinu að ekki er hægt að hengja út þvott. Á myndinni sem tekin var í dag, 4. sept. sést moldrokið sem leggst yfir Héraðsflóann og Vopnafjörð.

Á þessari mynd sem ég tók af http://blogg.visir.is/halldor/ má sjá Hálslón, merkt no. 4. Svæðið sem skapast við lægra vatnsborð er a.m.k. helmingi minna en lónið og það virkar nú agnarsmátt miðað við eyðisandana vestur af lóninu. Getur það virkilega skapað eins ógnarstórt vandamál og andstæðingar Kárahnjúkaframkvæmdanna vilja vera láta?

Moldrok á haf út

Athugasemdir

[Benedikt Halldórsson, 5.9.2007 kl. 04:43]

Það er magnað hvernig áróðurinn gegn vatnsaflsvirkjunum getur undið upp á sig. Það má segja að úlfaldi sé gerður úr mýflugu, þessar myndir sýna það glöggt.

[Gunnar Th. Gunnarsson, 5.9.2007 kl. 11:49]

Já, auk þess man ég ekki eftir moldroki nema á sumrin en þá er Hálslón í fyllingu, en tómt snemma vors.

[Garðar Valur Hallfreðsson, 5.9.2007 kl. 12:40]

Tek undir þetta, það þarf ekkert hálslón til að moldin fjúki.  Vandamálið er staðbundið og hefur ávallt verið.  Þó eru bændur upp til hópa mikið að vinna með ríkinu í að binda landið, sem er gott.