Færsluflokkur: Menning og listir

"Dagar myrkurs" á Reyðarfirði

Ýmsir menningarviðburðir áttu sér stað á Austurlandi, á "Dögum myrkurs" dagana 28. október til 1. nóvember.

Framlag okkar Reyðfirðinga var kvöldvaka í Grunnskóla Reyðarfjarðar. Austfirskir rithöfundar lásu upp úr bókum sínum sem eru að koma út þessa dagana og Kór Reyðarfjarðarkirkju söng á milli upplestra.

Hér að neðan má sjá og heyra tvö laganna sem kórinn söng.

 


Ef allir setja þessa mynd inn?

Hræsnin í Kananum á sér lítil takmörk.

Mesti soraklámsframleiðandi heims. Mesti ofbeldismyndaframleiðandi heims... en fer svo á límingunum yfir þessari mynd. 

Allt varð vitlaust þegar sást í hálfa túttu Janet Jackson í hálfleik á Superbowl.

Ef allir á facebokk pósta þessari fallegu mynd, þá yrði fb væntanlega lokað.... eða hvað? 

796958

Hvernig væri að við Íslendingar tækjum okkur saman og settum þessa mynd á fb-síðuna okkar kl. 12 á hádegi á laugardaginn? Ég er til, en það þýðir náttúrulega ekkert fyrir mig að gera það einn. Þá yrði bara lokað á mig... og málið er dautt. sealed


mbl.is Er þessi mynd of dónaleg?
Tilkynna um óviðeigandi tengingu við frétt

Kenneth Máni Johnson

kenneth máni

Það er ekki hægt annað en þykja vænt um Kenneth Mána Johnson, hlæja að honum, með honum og stundum tárast yfir brestum hans, greiningum og örlögum. 

Sýningin í Borgarleikhúsinu er yndisleg skemmtun, tragic/cómísk og Björn Thors er snillingur.  Ég veit þetta er yfirdrifið lýsingarorð en þetta er bara staðreynd Wink

Það var margt eftirminnilegt í sýningunni en ég fer ekki nánar út í það. Ég vil þó segja ykkur frá uppklappinu í lokin þegar Björn Thors er að hneigja sig fyrir áhorfendum... í karakter Kenneths Mána. Svo stendur hann teinréttur á miðju sviðinu í blálokin og andlit Kenneths Mána rennur af leikaranum og Björn Thors í eigin persónu hneigir sig auðmjúklega fyrir dynjandi lófaklappi áhorfenda í fullum sal.

Umbreytingin á andlitinu, augnsvipurinn, glottið...það var magnað að verða vitni að þessu. Ég mæli með kvöldstund með Kenneth Mána.


Myndband - hönnun


mbl.is Nýr hönnunarsjóður tekur til starfa
Tilkynna um óviðeigandi tengingu við frétt

Miklu flottara í gospel stíl

Virkilega flott hjá þessum stelpum á myndbandinu.

Eyþór Ingi er flottur söngvari þó mér finnist nefhljómurinn mikill löstur á rödd hans. Þetta hefur þó skánað mikið frá því hann öðlaðist athygli í þættinum "Bandið hans Bubba". Ég sá Eyþór í "Rocky Horror" í Hofi á Akureyri í fyrra vetur og þar fór hann algjörlega á kostum í hlutverki Riff Raff sem sjá má HÉR


mbl.is Evróvisjónlagið sungið í messum
Tilkynna um óviðeigandi tengingu við frétt

Fjögur efstu lögin verða...

  • Meðal andanna - Birgitta Haukdal
  • Til þín - Jógvan og Stefanía
  • Lífið Snýst -  Svavar Knútur og Hreindís Ylva
  • Ég syng -  Unnur Eggertsdóttir

Ekki endilega í þessari röð og endurspeglar í sjálfu sér ekki minn smekk. Ég er reyndar á því að Ég syng og Lífið snýst eigi mesta möguleika til vinsælda úti.


mbl.is Skegg eða ekki skegg?
Tilkynna um óviðeigandi tengingu við frétt

50,6% kjósenda V-grænna án skopskyns?

Það var yfirleitt venja að ríkjandi stjórnvöld urðu mest fyrir barðinu á höfundum Áramótaskaupsins. Það breyttist eftir að hin hreina og tæra vinstri stjórn tók við fyrir tæpum 4 árum.

Hvað segir það okkur? Að það sé satt sem sagt er um leikhúsfólk?

V-grænir eru flestir ánægðir. Þeir hafa þá eitthvað til að gleðjast yfir. Errm


mbl.is Færri ánægðir með Skaupið nú
Tilkynna um óviðeigandi tengingu við frétt

Kvikmyndataka með fjarstýrðri þyrlu

Bróðursonur minn, Þórður Karl Einarsson, tekur kvikmyndir með fjarstýrðri þyrlu. Afraksturinn er stórkostlegur, eins og sjá má á myndbandinu hér að neðan.


Þorrablót á Reyðarfirði

þorri2

Þorrablót Reyðfirðinga var haldið í 91. sinn á bóndadaginn, 20. janúar. Við hjónin nutum þess heiðurs að vera formenn nefndarinnar þetta árið, en ný nefnd er kosin árlega af fráfarandi nefnd.

Fjölgað var í nefndinni í fyrra, úr 14 manns í 20 og veitir ekki af, því vinna við undirbúning blótsins jókst mikið við hina miklu íbúafjölgun í þorpinu, eftir að álver Alcoa Fjarðaáls hóf starfsemi sína. Blótið var flutt úr Félagslundi, félagsheimili staðarins sem hafði hýst blótið í um 60 ár, í íþróttahúsið. Sú breyting kostar að setja þarf upp svið, ljósabúnað, hljóðkerfi, dansgólf og teppi, borð og stóla ásamt ýmsu fleiru, á hverju ári og setja svo allt í fyrra horf strax daginn eftir.

Þetta er gríðarleg vinna og einhver úr nefndinni reiknaði að gamni sínu út að miðaverðið hefði þurft að vera um 30 þúsund krónur, ef borga hefði átt laun fyrir vinnuframlag nefndarinnar sem var um 2.500 vinnustundir síðustu tvær vikur fyrir blót, en þá hafði þegar farið fram töluverð forvinna, m.a. við gerð grín-annálsins um þorpsbúana. (Stækka má myndirnar með því að smella þrisvar á þær)

þorri5

Baksviðs, báðu megin, hafði nefdin aðstöðu fyrir sig og leikmunina í annálnum.

þorri6

Jói Deddi veltir vöngum yfir hvernig koma megi gestum sem haganlegast fyrir í salnum, en uppselt var á blótið og aðsóknarmetið var slegið hressilega. Rúmlega 380 manns sátu blótið í ár en gamla metið var ríflega 330 manns, sett árið 2008. Mest varð aðsóknin í Félagslundi um 270 manns, en það var í raun alls ekki boðlegt vegna þrengsla. Hæfilegur fjöldi í því ágæta húsi var ekki nema um 230.

þorri4

Þarna er salurinn að verða nokkurnveginn klár, nokkrum klukkustundum áður en blótið hófst. Síldarnót er hengd í loftið til skrauts.

þorri3

Trogin komin á borðin og Vallý tékkar hvort allt sé ekki örugglega í orden.

þorri

Rétt fyrir opnun hússins, kl. 19.30. Hákarl og brennivín fyrir gesti um leið og þeir ganga inn.

þorri7

Fyrsti bakkinn tilbúinn. Sunna og Óskar glaðbeitt og full af tilhlökkun.

þorri8

Bjarni bíður eftir fyrsta gestinum.


Sinclaire Spectrum

800px-ZXSpectrum48kÞegar Harpan var vígð í haust sögðust margir hafa orðið fyrir vonbrigðum með lýsinguna í glerhjúpnum, en mikið var gert úr meintum glæsileika hennar áður en herlegheitin birtist almenningi.

Nú er glerlistarhönnuðurinn búinn að bæta um betur og búinn að setja upp einhverskonar diskóljósasýningu, sem truflar bílaumferð við húsið og gæti valdið slysahættu.

Miðað við myndbrotið sem fylgir þessari frétt, þá er hin nýja hönnun skelfilega hugmyndasnauð og minnir á útkomuna úr fikti unglings í Spectrum Sinclair heimilistölvunni frá árinu 1982. Hvað kostar þetta aukabull?


mbl.is Harpa breytir um ham
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband