Önnur "meðul" hafa tekið við hlutverkinu

Breski læknirinn segir að skapahár hafi hlutverk. Væri ekki réttara að segja að þau höfðu hlutverk, áður en hreinlæti varð almennt meðal manna og áður en fólk klæddist hreinum nærfatnaði?

Hár undir höndum, á fótlegggjum... bringu, hafði eflaust einhvern tíma hlutverk.

Mjög varasamt að fjarlægja skapahárin

Reykingar á svölum blokkaíbúða

Fáir reykja inni hjá sér á Íslandi í dag. Þeir sem búa í fjölbýlishúsum fara því út á svalir ef þeir reykja. Reykurinn sogast inn um opna glugga í næstu íbúðum og veldur ama og óþægindum.

Ég bý á neðstu hæð í blokk og þarf að loka öllum gluggum þegar íbúarnir fyrir ofan mig reykja á svölunum, þ.e.a.s. þegar veðrið er stillt.

Reykingar á svölum brot á reglum

Meira fjármagn og/eða burt með stjórn HSA

Ég hallast að hinu síðarnefnda, af marg gefnu tilefni

Hafna áformum um sjúkrahúslokun

"Bjarna Harðar" lyklaborð fyrir þessa stofnun

Það er auðvitað varla gerandi grín að þessu... og þó

Leyfi til rannsókna afturkallað

Arðsöm styrkveiting

Arðsemi er töfrahugtak nútímans. Allt þarf að skila arði og sumir eru með hundraðshlutfallið á hreinu.... tíu er oft sagt "ásættanlegt"

Það er vel hægt að reikna út arðsemina í beinhörðum peningum, af því að halda fársjúkum alkóhólistum frá neyslu. Hinn mannlegi harmleikur sem hægt er að losna undan, verður þó seint hægt að reikna til króna og aura. Hugsum til barnanna og annarra aðstandenda hinna veiku.

Allir eiga vin eða ættingja sem eiga við áfengis eða fíkniefnavanda að eiga. Sýnið þeim vinarþel og látið fé af hendi rakna til styrktar SÁÁ. Þeim peningum er vel varið.

SÁÁ leitar eftir aðstoð

Bleikt á Reyðarfirði

Nokkrar byggingar voru bleikar að venju á Reyðarfirði þetta haustið. Hér er það Reyðarfjarðarkirkja sem nýlega varð 100 ára.

Alcoa Fjarðaál hefur stutt Bleika borðann undanfarin ár.

Upphafskona Bleika borðans látin

The Nutty Professor

David Nutt, geðlyfjafræðingur

Það er hugsanlegt að fordómar gagnvart lyfjum sem misnotuð eru af fíklum, fái lítinn séns í læknisfræðilegum tilgangi. Amfetamín er ágætis lyf, sömuleiðis rítalín, en þau eru misnotuð með skelfilegum afleiðingum.

Nú halda menn að hugsanlega séu not fyrir e-töflur.

Lyfjaiðnaðurinn hefur ljótt orð á sér og hann stendur straum af kostnaði við ýmsar "rannsóknir".

Hverju á maður að trúa?

Vissuð þið að LSD- "fíklar" eru ekki til?

E-tafla gegn áfallastreitu

Er farið í landshlutagreiningarálit?

Maður slasaðis mjög alvarlega í vélsleðaslysi í Reyðarfirði á laugardaginn, sjá hér

Um tvo klukkutíma tók að koma manninum í sjúkrabíl og tæpan klukkutíma í viðbót að koma honum í heilsugæsluna á Egilsstöðum. Ljóst var strax að manninn þyrfti að flytja suður til Reykjavíkur í aðgerð, því annars hefði ekki verið farið með hann til Egilsstaða, heldur á fjórðungssjúkrahúsið á Norðfirði.

Maður spyr sig; afhverju var þyrla Landhelgisgæslunnar ekki kölluð út til að sækja mannin á slysstað?

Þyrlan er kölluð út til þess að ná í mann í nágrenni Reykjavíkur, vegna hugsanlegs fótbrots! Hvað er eiginlega í gangi?

Fluttur með þyrlu á sjúkrahús

"Það vantar mann með sting"

Sjómenn sitja ekki við sama borð og aðrir landsmenn, varðandi heilbrigðisþjónustu. Þú "skreppur" ekki til læknis, þegar þú kennir þér meins.

Það var "ræs" á togara fyrir nokkrum árum síðan. Háseti á rúmlega miðjum aldri, sagði við þann sem ræsti: "Ég held að ég treysti mér ekki á vakt... ég er með svo mikinn sting fyrir brjóstinu".

Sá sem ræsti, fór með þau skilaboð til skipstjórans. Skipstjórinn kom niður til hásetans með hraði og sagði þrumandi röddu, inn um klefadyrnar: "Það er ræs!".

"En ég er með svo mikinn sting fyrir brjósti", sagði hásetinn.

"Sting! ...Já!... það vantar einmitt mann með sting úti á dekki!", sagði skiptsjórinn.

Hásetinn fór út á dekk... fékk hjartaáfall og dó.

Þyrla sótti hjartveikan mann

Lyfjagjöf er að verða "tabú"

Það var frétt í DV um daginn, undir fyrirsögninni; "Horfði á fimm ára barn í korter og úrskurðaði það ofvirkt", sjá:  HÉR  

Athugasemdirnar frá lesendum blaðsins eru allt að því óhugnanlegar, þ.e. þeirra sem fordæma að veikum börnum séu gefin lyf. Og að vitna í föður sex ára gamals barn, með ofangreindir fyrirsögn, er auðvitað ekki til þess fallið að upplýsa almenning um hvernig þessi mál eru alla jafnan meðhöndluð á Íslandi. 

Ísland á víst heimsmetið í notkun rítalíns og sjálfsagt mál að rannsaka það. Fyrir þessu geta legið margar skýringar og ein af þeim er ekki endilega sú vinsælasta; að börnum sé gefið lyfið ótæpilega, vegna þess að læknum dettur ekkert annað betra í hug.

En dettur engum í hug að greining og meðferð á ADHD (ofvirkni með athyglisbresti) meðal skólabarna á Íslandi, sé betri og skilvirkari hér en annars staðar? Hefur það verið rannsakað hvort fullorðnir fíkniefnaneytendur sæki meira í rítalín hér en annarsstaðar? Hugsanlega með þægilegu aðgengi í lyfið í gegnum börn sín? Svo eru til læknar sem ávísa efnum á fullorðið fólk og fara jafnvel á svig við lög í þeim efnnum. Það þarf ekki marga slíka lækna í okkar fámenna landi, til þess að skekkja stöðu mála í samanburði við önnur lönd. Í fjölmennum borgum erlendis, er framboð af allskyns efnum mun meira en á Íslandi. Dópistarnir þar þurfa ekki að "þekkja" lækni til að fá "fixið".

Ef börn greinast með ADHD, en alvarleiki sjúkdómsins er mjög mismikill, þá er það ekki gert með því að "horfa á barnið í korter", eins og segir í DV fyrirsögninni, það er órafjarri lagi. 

Oft eru foreldrum gefin ýmis ráð varðandi meðhöndlun sjúkdómsins, s.s. sérstakt mataræði, hreyfing o.þ.h. en svo virðist sem að ekki séu allir foreldrar tilbúnir í slíka "vinnu". Hvort það er sér-íslenskt fyrirbrigði, að foreldrar hafa ekki tíma fyrir börnin sín, veit ég ekki, en hafa ber í huga að meðal vinnutími á Íslandi er lengri en víðast annarsstaðar. Stundum mæla læknar með lyfjagjöf, en þó er það ekki svo, að börn séu sett á lyf án samráðs við foreldrana nema í algjörum undantekningartilvikum, t.d. ef barnið er hættulegt sjálfu sér og umhverfi sínu.

Oft heyrist fólk gagnrýna skólakerfið vegna mála af þessu tagi. Þeir skólar sem ég þekki til, gera það sem til er ætlast af þeim... og stundum meira en það.  Fyrir fólk sem ekki hefur tíma fyrir börnin sín sem eiga í erfiðleikum, getur verið afskaplega þægilegt að kenna skóla og heilbrigðiskerfinu um.

Skar bekkjarbróður sinn á háls í frímínútum