Dulgrænn litur? Lítill og lítt nýttur fiskur áður

 Niðurstöður um ástand fiskistofna og landrofs eru nokkurra mánaða gamlar og þessar upphrópanir núna er pólitískt upphlaup vinstrimanna í aðdragandi komandi kosninga. Nú spretta þeir fram, hver af öðrum og segja; "sko, ég sagði þetta!" og fá sjálfsagt einhver atkvæði út á það.

Ég hef nú ekki haft Lagarfljót fyrir augum mér daglega en sennilega að meðaltali vikulega í 23 ár. Ég man ekki eftir því að liturinn á fljótinu fyrir virkjun hafi nokkurn tíma verið "dulgrænn". Ljós steingrár, kaldur og líflaus hefur liturinn verið, ekki ósvipaður litnum í Blöndu. Ég var á leiðinni til Egilsstaða frá Reyðarfirði í morgun þegar þessi frétt var lesin í útvarpinu. Farþeginn í bílnum hjá mér hló við þegar hann heyrði þessa lýsingu, en hann er fæddur og uppalin á bökkum fljótsins

Talað er minnkandi fisk í fljótinu. Góð vinkona mín hér á Reyðarfirði er einnig  ættuð og alin upp á bökkum Lagarfljóts. Hún sagði mér að stundum hefðu netastubbar verið lagðir í fljótið til að fá bleikju í reyk. Ekki var hægt að nýta fiskinn öðruvísi, því ferskur var hann bragðvondur, ræfilslegur og glær, auk þess sem aldrei hefði verið nein veiði að ráði í fljótinu. Aflatölur frá ýmsum stöðum úr fljótinu fyrir virkjun voru á bilinu 30-150 fiskar á ári svo söðullinn er nú ekki hár úr að detta. Því fer þó fjarri að fiskurinn sé horfinn.

  Það er lítil eftirsjá í fiskinum, en öðru máli gegnir um annað í lífríkinu, s.s. fugla. Ekkert bendir þó til enn sem komið er að þeim hafi farið fækkandi vegna breytinga í fljótinu. Mælingar hafa þó sýnt að hávellu hafði fækkað á tímabili, en sveiflur hafa alltaf verið miklar í þeim fuglastofni á fljótinu, auk þess sem hávellinu hefur fækkað mikið á landinu öllu og hafa fræðingar leitt að því getum að hlýnandi veðurfari sé um að kenna.

Landbrot er líklega heldur meira en búist var við, en 24% bakka fljótsins, sem eru að mig minnir um 150 km. langir til sjávar, hafa orðið fyrir áhrifum þess. Að mestu litlum þó og ekki ýkja alvarlegum nema á örfáum stöðum. Mest eru áhrifin neðarlega í fljótinu.

Það er ámælisvert ef Landsvirkjun hefur ekkert gert til mótvægis við breytingar á fljótinu, en væntanlega stendur það til bóta eftir þessar fréttir, þó ýkjukenndar séu.

Viðbót: Í matsskýrslu LV frá árinu 2004 HÉR , segir eftirfarandi:

"Landbrot með Lagarfljóti er nú mjög misjafnt. Milli Lagarfoss og Steinboga er það mjög takmarkað og staðbundið en það er hinsvegar talsvert á flatlendinu neðan við Steinboga þar sem áin er mjög bugðótt."

Þetta eru niðurstöður rannsókna áður en virkjunin tók til starfa. Það má því með góðum rökum draga í efa að núverandi landbrot sé allt tilkomið vegna hennar.

„Vatnasvæðið verulega laskað“

Umhverfisverndarsamtök fullyrtu að það það yrði 20-50% fækkun

Í skýrslu sem Náttúruverndarsamtök Íslands og fleiri umhverfisverndarsamtök létu gera fyrir sig í aðdraganda framkvæmdanna við Kárahnjúka, laust eftir aldamótin, var fullyrt með "hjálp" sérfræðinga úr ferðaþjónustu, að vegna skaðaðrar ímyndar Íslands sem náttúruperlu myndi ferðamönnum fækka á Austurlandi um 50% og á landinu öllu um 20%. Ekkert var að marka þetta frekar en annað sem úr þessari áttinni kemur.

Allt var þó reynt til að þetta mætti nú rætast, m.a. í Þýskalandi þar sem íslenskir umhverfisvinir héldu pólitíska ljósmyndasýningu með ýmsum furðulegum yfirlýsingum og jafnvel sýndar myndir af hálendinu sem voru framkvæmdunum óviðkomandi. Vitnað var í erlenda gesti sýningarinnar í fjölmiðlum, bæði innlendum og erlendum, þar sem þeir lýstu hryggð sinni yfir framkvæmdunum.

Sömuleiðis reyndu umhverfisverndarsamtök með Árna Finnsson í broddi fylkingar að spylla fyrir lánamöguleikum Landsvirkjunar. Þessir aðilar stunduðu kerfisbundna og vel skipulagða skemmdarstarfsemi á því sviði, m.a. með hótunum við banka sem hugðust lána fé til framkvæmdanna.

Aldrei er þetta fólk dregið til ábyrgðar á gjörðum sínum og fullyrðingum.

660 þúsund ferðamenn 2012

Olían er gríðarlega mikilvæg fyrir norskt samfélag

Helstu talsmenn umhverfisverndar á Íslandi, Guðmundur Hörður Guðmundsson og Árni Finnsson ættu einmitt að stofna stjórnmálaflokk og hætta að menga umhverfissamtök með nærveru sinni.

Umhverfisvernd er í heljargreipum öfgafólks sem notar virt samtök eins og Landvernd og Náttúruverndarsamtök Íslands í pólitísku áróðursskyni. "Venjulegt" umhverfisverndarfólk á enga samleið með þessum öfgamönnum og verkalýður landsins sem telur hagsmunum sínum best borgið með stuðningi við vinstriflokka sem upphaflega voru stofnaðir sem baráttusamtök fyrir bættum kjörum, öruggri atvinnu og velferð, losnar þá við þessa skemmdarvarga úr flokkum sínum, VG og Samfylkingu.

Stofni þá nýjan umhverfisflokk

"Vandamálið" er fólkið

Umhverfisverndarsinnar segja að mannætuhákarlar séu ekki vandamálið, heldur ágengni fólks í sjóinn við baðstrendur.

Vafi um friðun hvítra hákarla

Eitt í dag og annað á morgun

Stutt er síðan lesa mátti fréttir þess efnis að Graænlandsjökull bráðnaði mun hraðar en fyrri spár gerðu ráð fyrir. Nú kemur frétt um hið gagnstæða.

Er ekkert að marka þessa menn?

Grænlandsjökull bráðnar hægar en talið var

Taka undir ályktun frá sjálfum sér?

Hverjir á þessu "Náttúruverndarþingi" taka undir ályktun 13 náttúruverndarfélaga? Er það ekki sama fólkið og samdi þær ályktanir?

Réttilega færð úr nýtingu í bið

Vöktunin eftir brunann

Talað var um að lífríkið á svæðinu yrði hugsanlega marga áratugi að jafna sig á þessum sinubruna, hinum mesta sem sögur fara af. Ákveðið var að vakta lífríkið í einhver ár og rannsaka hversu lengi það yrði að jafna sig.

Nú eru liðin 10 ár frá "Mýraeldum". Gaman væri að sjá niðurstöður vöktunarinnar. Mig grunar að lífríkið hafi verið fljótt að jafna sig. Náttúran hefur nefnilega sterka tilhneigingu til að leita jafnvægis.

Mýramenn minntust sinubrunans

Ekkert nýtt - gerist í öllum árum

Hreindýr falla úr hor í öllum árum, burtséð frá árferði. Einungis sterk og heilbrigð dýr lifa af veturinn og horfelli er eðlilegur gangur meðal viltra dýra í náttúrunni.

Hreindýrum hefur fjölgað undanfarin ár og þau eru farin að leita víðar. Horfallin dýr verða því auðfundnari. Ég dreg í efa að horfellir sé hlutfallslega meiri nú en áður en að sjálfsögðu er rétt að rannsaka þetta á faglegum grunni. Það er full ástæða til þess.

Hreindýr að drepast úr hor

Eitt umhverfisspilltasta svæði landsins í verndarflokk

Til að koma í veg fyrir misskilning vegna fyrirsagnarinnar, þá vil ég segja að Elliðaárdalur er einn af mínum uppáhalds stöðum. Yndislegur reitur og fallegur og styð heilshugar verndun hans.

En ef "umhverfisverndarsinnar", eins og ég þekki þá best, hefðu fengið að ráða örlögum Elliðaárdals frá upphafi, væri þar fremur nöturlegt um að litast.

Þessi skemmtilega mynd er  tekin snemma á síðustu öld. Sjávarfoss og Efra-Breiðholt, Hólahverfið í baksýn. Varla stingandi strá að sjá. Draumsýn "umhverfisverndarsinnans"?

Stofna hollvinasamtök Elliðaárdals

Er Ísland 137. 522 ferkílómetrar?

893 reitir margfaldað með 154 gera 137.522.

Ef ég man rétt þá var mér kennt í barnaskóla að Ísland væri 103.000 ferkm. Þarna munar ansi miklu.

Gróðuraukningin er klárlega vegna hlýnandi veðurfars og aukinnar landgræðslu, sérstaklega á söndum sunnanlands, en ég er ekki eins viss um að minnkandi beitarálag eigi stóran hlut að máli. Hvað ætli lúpínan eigi stóran hlut af heiðrinum? 

Mér hefur þótt gæta ákveðinnar fordóma í garð sauðkindarinnar, líkt og með lúpínuna. Vissulega er ofbeit mjög skaðleg en ég er ekki viss um að mikið hafi verið um slíkt nokkuð lengi.

Gróðurbreytingar mestar vestanlands