Ökukennari

Þá er kallinn orðinn ökukennari. Ég er í fyrsta árgangi ökukennaranema sem brautskráist frá Háskóla Íslands.

 Laugardaginn 5. des sl. fór brautskráningin fram við hátíðlega athöfn í "Skriðu" í gamla Kennaraháskólanum. 24 nýir ökukennarar voru brautskráðir, þar af voru 11 konur, en ökukennarastarfið hefur verið heldur "karl-lægt" hingað til og þetta mun vera óvenju hátt hlutfall kvenna í útskrift.

Undanfarin ár hefur ökukennaranám verið í Kennaraháskólanum, KHÍ, en við sameiningu KHÍ og HÍ, (eða á maður að segja "yfirtöku" HÍ á KHÍ?), þá færðist þetta nám undir "Menntavísindasvið Háskóla Íslands".

Þetta hálfa annað ár sem námið hefur tekið, hefur verið ótrúlega fljótt að líða og nú, eftir brautskráningu, er ekki laust við ákveðna tómleikatilfinningu og jafnvel söknuð, því hópurinn sem útskrifaðist nú var einstaklega skemmtilegur.

Ég var aldursforseti nemenda, 49 ára gamall en 23 ár voru á milli mín og yngsta nemandans.

"Afskiptamálanefnd" var stofnuð til þess að halda utan um lokahóf nemanna og meiningin er að hún starfi áfram á laun og skipuleggi reglulegan hitting í framtíðinni.

Athugasemdir

[Baldur Hermannsson, 7.12.2009 kl. 16:51]

Til hamingju með það og gættu þín í hálkunni.

[Rafn Haraldur Sigurðsson (IP-tala skráð) 7.12.2009 kl. 17:04]

Tek undir með honum Baldri. 

[Jóhann Elíasson, 7.12.2009 kl. 17:29]

Til hamingju með þetta og gangi þér vel í framtíðinni.

[Rauða Ljónið, 7.12.2009 kl. 17:32]

Til hamingju Gunnar.

Kv. Sigurjón

[Gunnar Th. Gunnarsson, 7.12.2009 kl. 18:06]

Takk kærlega fyrir þetta, félagar

[Árni Gunnarsson, 7.12.2009 kl. 18:20]

Til hamingju gamli íhaldsþrjótur! Þú ert áminntur um að ræða alltaf við nemendur þína um pólitík. Það tryggir að Flokkurinn fær í það minnsta ekki þau atkvæði.

(mátti til)

[Gunnar Th. Gunnarsson, 7.12.2009 kl. 19:19]

 Góður Árni

[Magnús Sigurðsson, 7.12.2009 kl. 23:27]

Til hamingju Gunnar, segðu nemendunum brandara ef þú villt ekki fara að ráðum Árna.  Það er aldrei að vita hverju góður brandari skilar þegar pólitík er annars vegar.

[Baldur Hermannsson, 8.12.2009 kl. 00:37]

Mundu bara að láta brandarana alltaf snúast um tröllheimska vinstri menn.

[Einar Steinsson, 9.12.2009 kl. 17:10]

Gamli ökukennarinn minn sagði að það ætti engin að fá þróf fyrr en að hann væri búinn að taka nokkra tíma í vetrarfærð og ég hallast að því að það se nokkuð til í því hjá honum. Til hamingju með prófið.

[Gunnar Th. Gunnarsson, 9.12.2009 kl. 17:15]

Takk fyrir það Einar.

Faðir minn, sem var lögga í mörg ár, m.a. á landsbyggðinni, sagði mér að í gamladaga, þegar engin formleg ökukennsla var, heldur tóku menn próf hjá sýslumanni, þá spurði sýslumaður á Norðurlandi hvort bóndi nokkur, sem var að sækja um ökuskírteini, gæti keyrt fullur.

Bóndinn svaraði einlægur "Nei, það gæti ég aldrei gert".

Sýslumaður svaraði: "Þá færðu ekki ökupróf því sá sem sem ekki getur keyrt fullur hér um slóðir, hefur ekkert við ökuréttindi að gera".

[Baldur Hermannsson, 9.12.2009 kl. 17:29]

Hehe þetta hefur verið á Jökuldalnum.

[Gunnar Th. Gunnarsson, 9.12.2009 kl. 18:03]

Mér skilst að þetta hafi verið á Húsavík fyrir 60-70 árum síðan

[Baldur Hermannsson, 9.12.2009 kl. 18:10]

Aha var það á dögum Hafsteins? (eða Havsteen)

[Gunnar Th. Gunnarsson, 9.12.2009 kl. 23:39]

Veit ekki

[Baldur Hermannsson, 9.12.2009 kl. 23:49]

Jú hann var sýslumaður á Húsavík og hafði sitt handbragð á öllum hlutum, þýddi Moby Dick.