Mikið skorað í ár

Nú þegar 88 leikir eru búnir af 132 í efstu deild, hafa verið skoruð 287 mörk sem gera 3,26 mörk á leik.  Það kæmi mér ekki á óvart ef meðalskorið verður met í ár.

Það voru herfileg mistök að ráða Atla sem þjálfara Vals. Mér fannst Atli frábær fótboltamaður og örugglega góður liðsfélagi, jafnt í sínum félagsliðum sem landsliðinu, en sem "kallinn í brúnni" er hann alveg glataður. Miðað við gengi liðsins eftir að hann tók við, þá hljóta leikmennirnir að vera svipaðrar skoðunnar og ég. Það fyrsta markverða sem gerðist eftir að Atli tók við, var að besti leikmaðurinn þeirra í sumar, Ólafur Páll Snorrason, yfirgaf félagið. Frábær byrjun hjá Atla... eða þannig.

Valsmenn í skyndisókn gegn Grindvíkingum í kvöld.

Gengi Valsmanna hefur valdið mér miklum vonbrigðum í sumar en nú fer að styttast í EM kvenna. Ég hef fulla trú á stelpunum og þættirnir á RÚV um þær er fín upphitun.

Flottar stelpur

Grindvíkingar nældu í mikilvæg stig gegn Val

Athugasemdir

[Jóhann Hallgrímsson, 7.8.2009 kl. 13:06]

Manni líður einsog þjóðinni með landsliðið, stelpurnar eru að standa sig vel en strákarnir kunna bara ekki fótbolta.

[Gunnar Th. Gunnarsson, 7.8.2009 kl. 13:11]

Þegar maður horfir á leiki hjá strákunum í efstu deild, þá spyr maður sig oft: "Æfa þessir strákar ekki örugglega fótbolta?"