Hart í ári hjá alfriðunarsinnum

Að vera á móti allri uppbyggingu í orkuiðnaðinum á Íslandi, er svo voðalega 2007 eitthvað. Nú eru aðrir tímar og fyrirsjáanlegt að bulláróður fær ekki eins mikinn hljómgrunn og þá.

 Vindmyllur þykja umhverfisvænar en eiga sér þó hatramma andstæðinga víða. Þær eiga auðvitað ekki allsstaðar við, því mikil sjónmengun er af þeim. En það er merkilegt að þessi tækni skuli ekki notuð í einhverjum mæli á vindskerinu okkar. Sennilega er það vegna þess að hagkvæmara er að nota vatns og jarðvarmaorkuna.

Vill efla samstarf og rannsóknir á jarðhita

Athugasemdir

[HStef (IP-tala skráð) 23.7.2009 kl. 17:49]

'Eg held að þú ættir ekki að tala mikið um bull, það stendur yfirleitt bullstrókurinn fram úr þér...

[Gunnar Th. Gunnarsson, 23.7.2009 kl. 18:03]

Takk fyrir málefnalegt innlegg ... eða þannig

[Rafn Haraldur Sigurðsson (IP-tala skráð) 23.7.2009 kl. 18:50]

Sæll Gunnar, ég ætla að fá að leggja smá bull  í bullustrókinn.

Við lítinn bæ í Bretlandi sem heitir Broadstairs, skammt frá Dover er verið að reisa svokallaðan vindfarm, sem samanstendur af 172 vindmillum eitthvað um 6. sjómílur út í sjó. Þegar verkefninu verður lokið munu þær framleiða um 630 megawött. Ég var þarna í vor og sá rörin sem þeir voru að flytja út í sjó, þar sem þeir lemja þau niður í botninn.  Ég held þau hafi verið eitthvað um 4m í þvermál og veggþykktin var eitthvað á milli 60 til 80 mm. Þau eru eitthvað um 40m löng og eiga að vera undirstöður fyrir vindmillurnar.

kveðja Rafn.

[Gunnar Th. Gunnarsson, 23.7.2009 kl. 18:55]

Þetta er athyglisvert Rafn. Þetta mætti vel gera hér og setja inn á landsnetið. Vandamálið við vindrafstöðvar er að erfitt er að tryggja orkuafhendingu í logni, en það er samt sjaldan logn á landinu bláa... öllu í einu. 

[Axel Jóhann Hallgrímsson, 23.7.2009 kl. 21:20]

Ég kann því afar illa þegar menn kalla vindrafstöðvar vindmyllur. Myllur mala korn.

[Rafn Haraldur Sigurðsson (IP-tala skráð) 23.7.2009 kl. 21:27]

Alveg rétt hjá þér. Auðvitað eru þetta vindrafstöðvar.

kveðja Rafn.