Óskiljanlegt

 Þegar ég hlusta á Jón Bjarnason tala, þá dettur mér helst í hug afdalabóndi í vaðmálsfötum, með hamar í annari hendinni og sigð í hinni. Það er ekki langt síðan að ég frétti það að Jón hafa farið í VG vegna þess að Framsóknarmenn höfnuðu honum. Þetta kom mér á óvart því hann virkar á mig sem forpokaður Stalínisti.

Ég held að Jón Bjarnason í fyrsta sæti VG í NV-kjördæmi, séu góðar fréttir fyrir frambjóðendur í öðrum flokkum. Ég bara trúi ekki öðru.

Jón Bjarnason leiðir í NV-kjördæmi

Athugasemdir

[Þorsteinn H. Gunnarsson, 15.3.2009 kl. 19:05]

Það má vara sig á Jóni Bjarnasyni hann er alveg útsmoginn við að fá kjósendur annarra flokka og lausafylgi til að kjósa sig. Það hefur reynst þjóðinni vel að vera í vaðmálsfötum og á við breiddargráðuna. Það er betra en Rúðumenn í skyrtum í bönkum sem hafa reynt að bera sólskinið inn til þjóðarinnar í fötum.

[Eiður Ragnarsson, 16.3.2009 kl. 10:53]

Ég skil ekki VG að hafna góðum kandidat svona alfarið og setja Grím í 6 sæti.  Hann er ferskur með fullt af nýjum hugmyndum á meðan Jón hljómar eins og rispuð plata frá fyrra stríði....

[Friðrik Þór Guðmundsson, 16.3.2009 kl. 15:45]

Ég skil alveg hvað þú ert að fara með Jón. Þegar ég heyri nafn Péturs Blöndal þá sé ég fyrir mér féhirða vera að stinga af með fé og setja það á beit á útlenskum eyjum.

[Gunnar Th. Gunnarsson, 16.3.2009 kl. 16:05]

Pétur Blöndal er bæði vanmetinn stjórnmálamaður og misskilinn, aðallega af andstæðingum hans. Þetta er yndislegur og stálheiðarlegur náungi sem má ekki vamm sitt vita.

[Friðrik Þór Guðmundsson, 16.3.2009 kl. 16:11]

Ég var voðalega lítið að tjá mig um Pétur sjálfan. Ég var að tala um þessa féhirða sem honum er svo umhugað um.

Sem stálheiðarlegur maður hlýtur hann núna að vera heldur betur að endurskoða hug sinn gagnvart þrálátu kenningunni um "fé án hirðis". Þetta hlýtur alltént að breytast í "fé án heiðarlegs hirðis".

[Gunnar Th. Gunnarsson, 16.3.2009 kl. 16:29]

Já, það eru sterkar líkur til þess að fjárhirðarnir hafi verið óheiðarlegir, en það er auðvitað ekki Pétri eða Sjálfstæðisflokknum að kenna. "Frelsi fylgir ábyrgð" er einn af hornsteinunum í stefnu Sjálfstæðisflokksinns. Ef farið væri eftir því mottói, værum við sennilega ekki að ræða þetta.