"Vonandi skít tapar hún"

Mörg dapurleg ummæli mátti sjá á netinu vegna þess að Greta Salóme gerði og sagði ekki það sem hávær minnihlutahópur heimtaði af henni. Fyrirsögn pistilsins er af facebook-síðu þekkts fjölmiðlamanns af RUV sem bar henni þessa ósk vegna þess að hún mótmælti ekki opinberlega mannréttindabrotum um leið og hún tók þátt í söngvakeppninni.

Vandlæting þessa fólks var mikil og notaðir voru þekktir frasar um ranglæti heimsins.

Það merkilega er að þeir háværustu úr þessum vandlætingarhópi, hafa einnig verið háværir í baráttu fyrir náttúruvernd og kalla jafnan þá sem vilja virkja einhversstaðar, öllum illum nöfnum. Þeir ganga jafnvel svo langt að fordæma alla Austfirðinga fyrir að hafa viljað virkja við Kárahnjúka og leyfa álveri að rísa í Reyðarfirði. Þar með eru Austfirðingar "umhverfissóðar".

Þetta er að mestu sama fólkið sem lætur svona.

Biður Gretu Salóme afsökunar

Athugasemdir

[Rafn Haraldur Sigurðsson, 30.5.2012 kl. 20:32]

Tek heilshugar undir með þér, en Páll Óskar er maður að meiri með því að koma fram og biðja hana afsökunar.

[Gunnar Th. Gunnarsson, 30.5.2012 kl. 20:47]

Já, sammála því. Ég ætlaði að hafa það með í pistlinum en gleymdi því