Hreindýr í Lóni - myndband

Ég keyrði suður til Reykjavíkur í dag (þriðjudag) og sá þessi hreindýr við bæinn Hlíð í Lóni og þreif upp myndavélina. Þarna má glögglega sjá að hreindýrin eru ekki "girðingavæn" og tjón bænda getur orðið tilfinnanlegt vegna ágangs þeirra.

Þegar ég hafði ekið í um 5 mínútur frá hreindýrunum, fór að kafsnjóa.

Eftir nokkurra mínútna akstur úr fannferginu í Lóni. Suðursveitin skartaði sínu fegursta, Þórbergssetur í forgrunni Öræfajökuls. Svona breytist veðrið hratt á Íslandi.