“Hey, ya fergot La Yogurt.”

 

Á vefmiðli New York Times eru borgarbúar spurðir hvernig þeir haldi að nafnið á hinu öskuspúandi eldfjalli sé borið fram. Hér má heyra þessa snilld:

City Room: Iceland Volcano Spews Consonants and Vowels

Í textanum í greininni má lesa lýsingu á því hvernig réttur framburður er:

The “EY” rhymes with the word “bay.” The “k” is softer than an English “k,” almost like a hard “g.” And the “t” at the end kind of sticks for a second and pulls away.

EY-ya-fyat-lah-YOH-kuht

Say it soft and it’s almost like, “Hey, ya fergot La Yogurt.”

Þessi flotta mynd fylgir einnig greininni

Gígarnir hafa stækkað

Hvaða flokksbróðir fær djobbið?

Ég held að Jóhann Hauksson sé heitur. Ef hann fengi sér hélu í andlitið eins og foringinn, þá væru þeir alveg eins.

33 sækja um fjölmiðlafulltrúastarf

MARK!

Afhverju GOAL? Ég er enginn íslensku-fanatík... en enskt nafn á íslensku tímariti finnst mér bjánalegt.

MARK! hefði verið skárra.... eða TUÐRAN

 

Nýtt tímarit um fótbolta

Andstæðingar

Þetta er svo fáránlega illa skrifuð frétt að það er vart hægt að skilja hana.

"Andstæðingar" í nánast hverri málsgrein

Ætli Google skilji þetta?

Trúnaðarbrestur í Icesave-samningum?

Bónusgreiðslur streyma

John Stewart,  http://www.thedailyshow.com/  gerði skemmtilega grín að því um daginn að bandarískir skattgreiðendur afhentu Goldman Sachs Group álíka upphæð til að "bjarga" bankanum og er að skila sér í hagnaði í ár, eða 1.700 miljarða íslenskra króna.

 

Og nú streyma bónusgreiðslur til stjórnenda bankans sem aldrei fyrr. 

Mikill hagnaður Goldman Sachs

Til heimilis og einkanota

Ef RÚV tekur það fram á vefmiðlum sínum að lögin séu einungis til heimilis og einkanota, þá getur ekki einu sinni sprenglærður stjörnulögfræðingur haggað því. Ríkisfjölmiðillinn hefur einkaleyfi á þessu þar til aðrir samningar taka gildi.

Ég hélt að þetta væri ekkert flókið.

Kaninn og RÚV í hár saman

Haltur leiðir blindan

Tæplega tvöþúsund manns hafa aðgang að fésbókarsíðu Hrannars B. Arnarssonar, aðstoðarmanns forsætisráðherra. Þar á hann létt elhúskaffispjall við "vini" sína. Hann setur þar fram hugleiðingar sem ekki eru til opinberrarrar birtingar. Hugleiðingarnar eru trúnaðarmál, enda maðurinn í ábyrgri stöðu í þjóðfélaginu.

Margir eru þeirrar skoðunnar að Jóhönnu Sigurðardóttir veiti ekki af góðri aðstoð í starfi sínu, þar sem hún er bæði blind og mállaus. 

Fésbókarsíðan ekki opinber

Forsíður erlendra fréttamiðla

Ég "gúgglaði" upp nokkra erlenda fréttamiðla, örfáum mínútum eftir yfirlýsingu forsetans. Svo virðist sem útlendingar taki þessum atburði þannig að Íslendingar ætli ekki að borga skuldir sínar í Bretlandi og Hollandi. Enn ein vísbending um að stjórnvöld hafa ekki staðið sig í að koma sjónarmiðum sínum á framfæri.

Forsíða Verdens gang í Noregi

ABC-news

Sky News...."Ísland neitar að borga"

Mér skilst að ríkisstjórnin hafi ráðið breskan almannatengil til að koma sjónarmiðum sínum á framfæri. Vinnubrögðin hljóta að teljast ámælisverð, í ljósi þess að helstu fréttastofur heims fara með fleipur um hvað sé að gerast á Íslandi.

 

Fréttin barst hratt út

Afhverju engin mynd?

Hún er skondin þessi frétt um indverska manninn sem tók sér hamar og meitil í hönd og hjó göng í gegnum fjall við húsið sitt og var heil 14 ár að ljúka verkinu. Göngin gerði maðurinn svo hann fengi bílskúr. Ekki nóg með það heldur fögnuðu þorpsbúar göngunum einnig, því nú spara þeir langa leið fyrir fjallið.

Einkennilegt að þorpsbúarnir skuli ekki hafa hjálpað manninum, úr því göngin muna þá svona miklu. Eins finnst mér merkilegt að ekki skuli fylgja fréttinni mynd af þessu magnaða mannvirki. Ég prófaði að "gúggla" nafn Indverjans og fékk nokkrar fréttasíður um þennan merka atburð, en engin þeirra er með mynd.

Kannski er þetta bara plat og fréttastofur hafi gleypt við því. Skemmtileg frétt.

Þarna hefur einhver gert göng inn í bílskúr

Hjó göng til að geta lagt bílnum

Flýja umhverfisöfga og fara til Íslands

Dýravernd er göfug hugsjón, alveg eins og umhverfisvernd. Öfgafólk úr röðum dýra- og umhverfisverndarsinna, skaða þó oftar en ekki málstaðinn.

Um daginn var umdeildur þáttur um minnkaeldi sýndur í danska sjónvarpinu.         Þar var til umfjöllunar meint ill meðferð á dýrunum. Var farið með falda myndavél inn á minkabú og sýndar hroðalegar aðstæður dýranna.

Þátturinn hefur vakið umtal og er talið líklegt að hann munu valda breytingum á lögum og reglugerðum sem lúta að minkabúum. Í þættinum voru sýndir minkar í minkabúrum og þjást þeir augsjáanlega af sýkingum, hafa opin sár og eru beinbrotnir. Myndirnar eru teknar með falinni myndavél sem dýraverndunarhópurinn Anima náði

Ég hef ekki séð þennan þátt en ég fordæmi illa meðferð á dýrum. Ég kannast hins vegar við aðferðir svona öfgahópa og þau áhrif sem þær valda. Er það sem fram kemur í myndinni rétt? Samtök minkaræktenda í Danmörku segja að svo sé ekki.

Dan Jörgensen sem situr á Evrópuþinginu vill vill láta banna minkaeldi gersamlega á danskri jörð, líkt og er þegar tilfellið í Stóra Bretlandi og Austurríki. Tillaga um minkaeldisbann á örugglega eftir að koma fram innan ESB.

Ísland verði minkaland