Góð ræða hjá verkakonunni

Fundurinn í Háskólabíói var mjög góður og stjórnandi fundarins á hrós skilið fyrir góða fundarstjórn. Verkakonan, Margrét Pétursdóttir, flutti mjög góða ræðu og hún hafði fundin algjörlega á valdi sínu. Ekki veit ég hvort hún er vanur ræðumaður, en margir sem telja sig vera það, yrðu montnir af svona glæsilegri frammistöðu.

Örfáir dónar voru auðvitað þarna í salnum sem kölluðu fram í, eins og gengur, en þessi fundur var reyndar nákvæmlega eins og stjórnmálafundir eru á landsbyggðinni, bara fjölmennari. Úti á landsbyggðinni eru öll samskipti af þessu tagi í meiri nálægð en tíðkast í höfuðborginni og oft er stór hluti viðkomandi byggðarlags á fundum. Slíkt getur auðvitað ekki orðið í Reykjavík, eðli málsins samkvæmt, en sjónvarpið færði okkur stemninguna heim í stofu. Ég vona innilega að framhald verði á þessu og að svona fundir verði haldnir einu sinni í mánuði, eitthvað fram á vorið.

„Þetta er þjóðin“

Athugasemdir

[Jónþór (IP-tala skráð) 24.11.2008 kl. 23:24]

Já, hún var ágæt, allt þar til að helvítis "kvennrembufemínistinn" fór að brjótast út hjá henni.

Er hlynntur jafnræði en ekki svona asnaskap.

Hún sagði að Geir ætti að víkja og hleypa konu að...

Ég vill að Geir víkji og hleypi af hæfasta einstaklingnum (kona eða karl) skiptir engu. Bara að sá hæfasti sé valin/nn

[Gunnar Th. Gunnarsson, 24.11.2008 kl. 23:28]

Já, ég sagði ekki að ég hefði verið sammála henni  Bara fjári góð ræða og framsögn hjá henni.

[Árni Gunnarsson, 24.11.2008 kl. 23:39]

Hún á ekki langt að sækja skeleggan og auðskilinn málflutning. Pabbi hennar var Pétur Sigurðsson alþingismaður Sjálfstæðisflokksins og síðar framkvæmdastjóri Hrafnistu. Ýmist nefndur Pétur sjómaður eða Pétur kjaftur.

[Gunnar Th. Gunnarsson, 25.11.2008 kl. 00:04]

Takk fyrir þetta Árni. Þegar þú segir það, þá leynir ættarsvipurinn sér ekki.