Ríkisins þetta, ríkisins hitt

Vinstrimenn í pólitík á Íslandi í dag, eru eins og börn í sælgætisverslun. Fyrir rúmu misseri síðan voru fáir tilbúnir í stjórnunarstíl vinstrimanna, þ.e. auknar skattpíningar og ríkisafskipti í atvinnulífinu. Í dag sitja þessir aðilar við stjórnvölinn við óvenjulegar aðstæður. Þeir komast upp með ríkisafskipti á ólíklegustu sviðum, án þess að fólk taki sérstaklega eftir því. Allt snýr hvort eð er á haus í þjóðfélaginu og í ringulreiðinni láta þeir hendur standa fram úr ermum.

Það mun taka langan tíma að vinda ofan af vinstrimennskunni.

Stofna Bankasýslu ríkisins

Athugasemdir

[Hörður Halldórsson (IP-tala skráð) 20.6.2009 kl. 15:21]

Stjórnmál snúast stundum meira um heiðarleika en endilega vinstri  eða hægri stefnu.Stundum er bastarðurinn á milli hægri og vinstri stefnu verstur.Eins og til dæmis í haust þegar bankarnir voru ríkisvæddir  úr misheppnuðu einkav.ferli og innistæðu tryggðir kannski átti að láta þá bara rúlla  þeir voru bara einkafyrirtæki þegar allt kom til alls.

[Guðbjörn Guðbjörnsson, 20.6.2009 kl. 15:28]

Þetta er meira að segja verra en mann gat grunað ...

Sovét-Ísland óskalandið hvenær kemur þú?

Sovét-Ísland
Sovét-Ísland
óskalandið
hvenær kemur þú?
Er nóttin ekki orðin nógu löng
þögnin nógu þung
þorstinn nógu sár
hungrið nógu hræðilegt
hatrið nógu grimmt?
Hvenær...?
 

[Sólveig Þóra Jónsdóttir, 20.6.2009 kl. 15:48]

Vinstri öflin hafa alltaf verið skattaglöð. Hver man ekki eftir Skattmann ÓRG þá var ekki kreppan og ekki AGS. Eða R Listinn í Rvkborg sem hækkaði öll þjónustugjöld upp úr öllu valdi, þá var ekki kreppan heldur. Það er víst munur á vinstri og hægri stefnu.  En báðir öfgvarnir  hvort er til hægri eða vinstri þ.e. í pólitík ganga ekki upp. Kapitilisminn vill gera fáa ríka á kostnað margra. Kommúnisminn vill gera alla jafnfátæka.

[Gunnar Th. Gunnarsson, 20.6.2009 kl. 19:41]

Kapitalisminn vill stækka kökuna og að allir fái eitthvað fyrir sinn snúð. Kommúnisminn (kratar og aðrir vinstrimenn) vill einbeita sér að því að skipta kökunni. Allt annað situr á hakanum.

[Guðbjörn Guðbjörnsson, 20.6.2009 kl. 20:36]

Gunnar Th:

Þetta er sannleikurinn í hnotskurn og ég vona að þjóðin sé að átta sig á þessu.

Þeir eru á móti stóriðju og reyndar allri atvinnustarfsemi!

Sólveig Þóra:

Margir halda að Sjálfstæðisflokkurinn sé flokkur sem er andsnúinn velferðarkerfinu, en staðreynd er að velferðarkerfið óx hvað hraðast á þeim 18 árum, sem hann var við völd.

Við gerðum vissulega mörg mistök á undanförnum 5-6 árum, en þar á undan byggðum við upp á Ísland algjört "El Dorado" norðursins!

Það var einmitt gert með því að stækka kökuna, en ekki minnka hana!!! 

[Gunnar Th. Gunnarsson, 20.6.2009 kl. 22:45]

Sjálfur var ég lengi haldin þeirri ranghugmynd að Sjálfstæðisflokkurinn væri holdi klæddur, andstæðingur velferðarkerfisins. Þegar ég áttaði mig á að þetta var firra, þá hefur aldrei verið spurning að hjarta mitt slær með hugsjónum sjálfstæðismanna.

-

Ég var eitt sinn vinstrisinni. Ég veit hvernig þeir hugsa.

"It takes one to know one".

[Sólveig Þóra Jónsdóttir, 21.6.2009 kl. 01:16]

Ekki misskilja mig. Ég er Sjálfstæðiskona. Hef líka fengið að heyra það óþvegið hér á moggablogginu. Ég fylgi stefnu grasrótar Sjálfstæðisflokksins þ.e. stétt með stétt og fl. Ég tel að einstaklingurinn eigi að njóta sín. Ég er á móti forræðishyggju. Ég var að tala um öfgastefnu vinstri og hægri. Ég tel að Flokkurinn minn hafi farið út í öfgar undanfarin ár þ.e fáir voru gerðir ríkir á kostnað margra, en það stendur vonandi til bóta. Hvað vinstri öflin varða þá eru þau alltaf öfgakennd þ.e. vilja gera alla jafnfátæka að mínu mati.

[Sigurjón, 21.6.2009 kl. 03:25]

Kökulíkingin hjá þér Gunnar er mjög góð og er ég algjörlega sammála!  Það stoðar lítt að hækka skatta og gjöld þegar kakan minnkar stöðugt...