Koltrefjar í stað áls

"Sérfræðingar"virðast á hverju strái, þegar dikta á upp ný atvinnutækifæri. Þeir verða sérlega áberandi í umræðunni þegar stóriðjuframkvæmdir eru í uppsiglingu.  Þá eru svo óskaplega mörg "önnur tækifæri" sem blasa við að þeirra mati. Miklu betri, áhættuminni og arðsamari.

Fjárfestar hafa reyndar ekki stokkið af stað með peningabúntin sín, þegar svona umræða fer af stað... merkilegt nokk. Errm

Náttúruverndarsamtök Íslands,  létu "sérfræðinga" á ýmsum sviðum gera fyrir sig skýrslu árið 2001. Skýrslan var innlegg samtakanna í baráttu sinni gegn fyrirhuguðum framkvæmdum við virkjun og álver á Austurlandi. Í fáum orðum sagt, þá hefur tíminn leitt í ljós að ekki stendur steinn yfir steini í skýrslunni. Allar spár (hrakspár) hafa reynst orðin tóm.

Ég ætla að nefna tvennt úr skýrslunni, þó af nógu sé að taka. 

  • Eftirspurn eftir áli mun minnka og álverð lækka.

Álverð lækkaði vissulega þegar heimskreppan skall á, á haustmánuðum 2008. Sú þróun varði í næstum ár og sjá mátti "Þórðargleði" í skrifum nokkurra bloggara sem sögðu:

"Sko! Ég sagði það" Gasp

Hér að neðan má sjá heimsmarkaðsverð á áli sl. 5 ár. Dýfan var brött, en síðan hefur verðið hækkað jafnt og þétt.

Afkoma Alcoa, móðurfélags álversins á Reyðarfirði hefur batnað mikið undanfarið og segja forsvarsmenn fyrirtækisins "að hækkandi álverð sé helsta ástæðan fyrir batnandi afkomu og vaxandi eftirspurn sé eftir áli. Segist félagið reikna með að eftirspurn aukist um 11% á þessu ári eftir 13% aukningu á síðasta ári." (Sjá HÉR )álverðsþróun

Margir álversandstæðingar, t.a.m. Ómar Ragnarsson, hafa fullyrt í nokkur ár að ál sé á undanhaldi og að koltrefjar muni taka við, t.d. í flugvélaiðnaði. Einhver bið mun vera á þeirri þróun, því offramboð er á koltrefjum en aukin eftirspurn eftir áli.

Hitt atriðið úr skýrslu NÍ árið 2001:

  • Ferðamönnum til Íslands mun fækka vegna skaðaðrar ímyndar. (Vitnað í "sérfræðinga" í ferðamannaiðnaði) Fækkunin mun nema 50% á Austurlandi og 20% á landinu öllu.

Ég þarf varla að vísa lesendum mínum á heimildir um ferðamannatölur, þegar ég segi að þetta sé rakalaust bull. Er það? Woundering


mbl.is Koltrefjaverksmiðjur áfram í undirbúningi
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Fyrir hönd allra Þórða mótmæli ég neikvæðri notkun á "Þórðargleði".  Við gleðjumst líka yfir góðum fréttum, til dæmis Nei í Icesave.

Þórður (IP-tala skráð) 13.4.2011 kl. 10:54

2 Smámynd: Benedikt V. Warén

Það er einnig í lagi að koltrefjaáhangendur upplýsi okkur sauðsvartan almenning um hvernig má á auðveldan hátt endurvinna koltrefjarnar.

Benedikt V. Warén, 13.4.2011 kl. 12:48

3 Smámynd: Gunnar Th. Gunnarsson

Þórður

-

Benedikt, koltrefjar eru örugglega góðar til síns brúks og óskandi er að einhver hér á landi geti haft lifibrauð af því að framleiða þær.

Gunnar Th. Gunnarsson, 13.4.2011 kl. 13:00

4 Smámynd: Eiður Ragnarsson

Það má við þetta bæta að þó að koltrefjanotkun hafi rutt sér til rúms í t.d. bílum og flugvélum, þá hafa þær einn stókostlegan galla, en hann er sá að niðurbrot í koltrfjum vegna sólarljóss er töluvert og því verður að passa að t.d. flugvélar sem hafa koltrfjar í byrðing þurfa málun reglulega því að sólin má ekki skína á berar koltrefjar svo nokkru nemi..

Það er ekki umhverfisvænt að þurfa að mála risastórar flugvélar reglulega, en állið þarf ekki að mála frekar en menn vilja, og við sjáum það á okkar innanladsvélum að það er nú ekki verið að bletta reglulega yfir allar rispur..

En létta og sterkar eru þær, það er óumdeild en þær eru frekar viðbót í flóru léttra byggingarefna frekar en eitthvað sem útrýmir notkun áls og annara léttra efna....

Eiður Ragnarsson, 15.4.2011 kl. 11:03

5 Smámynd: Gunnar Th. Gunnarsson

Takk fyrir þetta, Eiður.

Gunnar Th. Gunnarsson, 15.4.2011 kl. 11:30

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband