Ruðningsáhrif og fá störf skapast

Væntanlega er það afar hagkvæmt að rækta tómata í risagróðurhúsi, svo framarlega sem markaðir taka við afurðunum. En smærri gróðurhúsabændur geta ekki keppt við svona risa og hvað verður þá um þá?

Þeir rækta bara auðvitað "eitthvað annað"

Tómatar geta skapað 60 til 100 störf

Athugasemdir

[Björn Birgisson, 2.3.2011 kl. 13:48]

Er þetta ekki hugsað til útflutnings eingöngu?

[Axel Jóhann Axelsson, 2.3.2011 kl. 14:00]

Björn, væri það ekki svolítið skondið, ef af þessu verður, að meina Íslendingum aðgang að þessari ódýru matvöru?

[Gunnar Th. Gunnarsson, 2.3.2011 kl. 14:10]

Ég held jú að það sé horft til erlendra markaða, en eins og Axel bendir á, verður íslenskum neytendum bannað að kaupa vöruna?

[Gunnar Th. Gunnarsson, 2.3.2011 kl. 14:11]

Það yrði auðvitað frábært að fá ódýra tómata

[Björn Birgisson, 2.3.2011 kl. 14:13]

Axel og Gunnar, það kallar á svar við þessari spurningu: Viljum við rústa annarri tómatarækt í landinu með stóriðju sem þessari?

[Gunnar Th. Gunnarsson, 2.3.2011 kl. 14:58]

Það er spurning

-

En svo er það líka spurning um rétt neytenda.

En svo eru líka einhverji bændur sem rækta eingöngu lífrænt. Sú vara er að vísu dýrari og oft bragðbetri vegna þess að afurðin vex ekki eins hratt. Hollustan er hins vegar sú sama, þó lífrænu bændurnir haldi öðru fram.

[Gunnar Th. Gunnarsson, 2.3.2011 kl. 15:00]

Innfluttir tómatar í Krónunni kosta 346 kr. kg. en í USA kosta tómatar 130 kr.

[Axel Jóhann Axelsson, 2.3.2011 kl. 19:21]

Björn, það er alveg spurning hvort svona "stóriðja" í tómatarækt sé réttlætanleg ef það verður til þess að ryðja öllum öðrum tómataræktendum út af markaðinum.

Hins vegar verður þróunin ekki stöðvuð í þessu efni, frekar en öðrum og verði þetta arðbært á annað borð og stuðli að lækkuðu verði til neytenda, þá er þetta hið besta mál.

[Björn Birgisson, 2.3.2011 kl. 19:35]

Drengir, er þetta ekki að verða spurningin um hvort minni hagsmunir skuli víkja fyrir hinum meiri? Ég veit ekkert um tómataræktun, eða neyslu Íslendinga á tómötum. Sé hins vegar hægt að spara neytendum milljónir á ári, með þessari tómatastóriðju, þá ber okkur að gera það, en koma á sama tíma fram við minni ræktendur af sanngirni. Styrkja þá út úr greininni. Það er ekki sanngjarnt að éta tómatana þeirra með bestu lyst og láta þá síðan éta það sem úti frýs.

Annað.

Verði af þessu, eru öll eggin lögð í sömu körfuna. Floppi svo fyrirtækið illilega, hvað þá?

Lausnin er þessi. Greiðum götu tómatastóriðjunnar, en heimilum henni ekki að selja á innanlandsmarkaði í þrjú ár frá fyrstu uppskeru. Það gefur öllum þokkalegan umþóttunartíma til að meta sín mál.

[Ágúst H Bjarnason, 3.3.2011 kl. 13:32]

Í prentuðu fréttinni í Mogganum stendur:

"Með því að að reisa húsið á lóð orkuvers þyrfti væntanlega ekki að greiða flutningskostnað til Landsnets. Þá eru lóðaleiga og raforkuverð lægri hér en í nágrannalöndum".

Flutningskostnaður raforku til venjulegra gróðurhúsabænda gæti verið um helmingur af raforkukostnaðinum. Því yrði erfitt fyrir þá að keppa við svona fyrirtæki sem ekki þarf að greiða fyrir flutningskostnaðinn.

[Gunnar Th. Gunnarsson, 3.3.2011 kl. 14:57]

Þetta er þá viðbót við stærðarhagræðinguna. Takk fyrir þetta, Ágúst.