DV skáldar upp fréttir

Hér kemur ótrúleg lygasaga úr DV, þar sem ég kem persónulega við sögu. 

Hún verður sennilega seint talin "fréttaskúbb", þessi bloggfærsla mín um óáreiðanleika fréttamiðilsins, DV. Flestir (þó ekki alveg allir) átta sig á því að margar staðhæfingar, sérstaklega í "Sandkorni", eiga ekki við rök að styðjast, svo það sé orðað kurteisislega. Hinar tilhæfulausu staðhæfingar eru gjarnan mjög mergjaðar og eiga það margar sameiginlegt að vera persónulegt níð um náungann.

Davíð Oddsson og Hannes Hólmsteinn Gissurarson eru í miklu uppáhaldi hjá Sandkornsmönnum. Raunar í svo miklu uppáhaldi að það jaðrar við geðbilun. Þessar sífelldu árásir með lygafréttum, eru orðnar verulega vandræðalegar fyrir blaðið, svo ekki sé meira sagt.

Í Sandkornsfréttinni Hannes vill spjallþátt  sem ég bendi ykkur á  hér ,  fáið þið lesendur góðir, upplýsingar um málið frá fyrstu hendi. Í fréttinni segir: (undirstrikun mín).

"Hannes Hólmsteinn Gissurarson prófessor er á meðal fyndnustu fræðimanna landsins. Þegar hann er ekki í vinnunni í Háskóla Íslands eða að vinna að árlegum stórvirkjum á sviði bókmenntanna leggur hann lærisveini sínum á amx.is lið.

Fullyrt er að Hannes skrifi á vefinn en sjálfur segist hann aðeins vera til aðstoðar. Á dögunum var lagt til á vefnum að Hannes fengi spjallþátt: „Það vantar nýja spjallþáttakóng á Íslandi. Ég mæli með Hannesi Hólmsteini Gissurarsyni. Honum yrði vel treystandi...,“ segir amx.is. Menn veljast ekki í vafa um að þarna er Hannes sjálfur á ferð."

Þetta rætna níð og lygabull fellur auðvitað um sjálft sig, ef fólk hefði fyrir því að lesa viðkomandi "frétt" (í Fuglahvísli) á  AMX-hér, frá 8. desember sl., þar sem vitnað er í mig af blogginu, sem höfund tillögunnar. Blogg mitt um þessa hugdettu skrifaði ég 6. og 7. desember, sjá HÉR .

Svona blaðamennska segir mér meira en margt annað, um að samfélagið sé sjúkt. Svona blaðamennska er veira í þjóðarlíkamanum, sem vert er að losna við.

Athugasemdir

[Axel Jóhann Axelsson, 13.12.2010 kl. 16:58]

DV er alveg ótrúlegt óþverrablað, eins og þetta litla dæmi þitt sýnir glögglega.  Hver sem las amx.is greinina sá umsvifalaust að þar var verið að vitna í þinn bloggpistil og það tekið mjög skýrt fram.

Hverning halda menn að þessi snepill framreiði aðrar fréttir, þegar svona lágt er lagst í lyginni um svona atriði. 

Sennilega er alveg rétt að þetta sé hrein geðveiki.

[Gunnar Th. Gunnarsson, 13.12.2010 kl. 17:19]

Já, alveg magnað helvíti

[Sigurbjörn Friðriksson, 14.12.2010 kl. 09:56]

Þarna beit hugmynd þín, þig í hælinn hehe......  

Sagt í gamni (og svolítilli alvöru).

Mbkv, Björn bóndi   

[Geir Ágústsson, 14.12.2010 kl. 13:30]

Ég á erfitt með að gera upp á milli hvor hópurinn er á lægra (greindar)stigi: Þeir sem skrifa Sandkornin, eða þeir sem trúa því sem þar stendur.

[Gunnar Th. Gunnarsson, 14.12.2010 kl. 15:11]

Já, þú meinar.... Geir.

Maður er kannski bara óttalega vitlaus að fjargviðrast út af þessu?

[HStef (IP-tala skráð) 15.12.2010 kl. 16:04]

Ert virkilega svona vit...s ? Áttar þú þig ekki á því að Sandkornið er svona háðsádeilugrín ? Ja hérna...!

[Gunnar Th. Gunnarsson, 15.12.2010 kl. 16:28]

Ef þetta á að vera grín.... þá eru þetta algjörlega húmorslausir menn.

[Hstef (IP-tala skráð) 15.12.2010 kl. 18:31]

Ég tók skakkt eftir, tók þetta sem Svarthöfða, ekki Sandkorn og biðst velvirðingar á því.

[Gunnar Th. Gunnarsson, 15.12.2010 kl. 22:23]

ekkert mál