Sniðug hugmynd

Það er náttúrulega algjör snilld að geta virkjað sírennsli Ölfusár og ekki verra að framkvæmdin fari saman við nýja brúargerð.

Það væri forvitnilegt að fá að vita hvert aflið er í fyrirhugaðri virkjun.

Áforma virkjun Ölfusár

Athugasemdir

[Tryggvi Helgason, 10.9.2010 kl. 16:31]

Að mínu mati er þetta frábær hugmynd, sem hefur marga kosti. Kostnaðurinn við fyrirhugaða stíflu, með það fyrir augum að leggja fjögurra akreina veg eftir stítlunni, er trúlega ekki mikið meiri en stífla með engum vegi. Allavega lít ég svo á að "kostnaðaraukinn" vegna fjögurra akreina stíflu, (í stað einfaldrar stíflu), sé aðeins brot af því sem sjálfstæð brú myndi kosta.

Hvort rafstöðin sé stór eða einungis af miðlungsstærð, er ekki aðalatriðið, þar sem tilkoma vegarins skiftir höfuðmáli í þessu tilfelli. Þá skylst mér að rennsli Ölfusár sé nokkuð jafnt allt árið svo uppistöðulónið þarf ekki að vera af neinni risastærð. En ég hygg að lónið verði bæjarprýði.

Rafstöðin mun svo framleiða rafmagn fyrir eigendur sína sem eru þá sveitarfélögin, og að lokum borga fyrir hvort tveggja í senn, rafstöðina og "brúna".

Gamla brúin hefur ekki skilað krónu í kassann fyrir Selfoss, en nýja "brúin" mun mala gull fyrir íbúa Árborgar.

[Gunnar Th. Gunnarsson, 10.9.2010 kl. 16:35]

Glæsilegt