Á rangri hillu eins og Megas

Trúðurinn fellir tár yfir örlögum sínum.

Megas er að mínu áliti merkasta dægurlagaskáld 20. aldarinnar á Íslandi. Textar hans bera af eins og gull af eiri og túlkun hans sjálfs á lögum sínum og ljóðum er einstök. Ekki verður Megasi þó hrósað fyrir ómþýða rödd sína.´

Fyrir um áratug síðan eða svo, fréttist af því að von væri á skáldsögu með sögulegu ívafi eftir Megas. Ég beið afar spenntur eftir bókinni. Áður en ég fékk bókina í hendur las ég ritdóma í blöðum um hana. Bókin var rifin niður.

Ég byrjaði að lesa þetta bókmenntaverk Megasar en ég gafst upp eftir nokkra tugi blaðsíðna. Ofhlaðið orðskrúði og greinilega reynt að vera sem mergjaðastur í orðavali. Klámfengið án erótíkur. Mér vitanlega hefur Megas ekki reynt fyrir sér aftur á þessu sviði.

Leikskólinn Lyngholt hér á Reyðarfirði hefur gert eftirfarandi að einkunarorðum sínum:

"Allir geta eitthvað, engin getur allt".

Það er mikið til í því.

Jón Gnarr er ekki stjórnmálamaður, hann er listamaður og grínisti. Eitt augnablik þá datt honum í hug að hann gæti orðið góður stjórnmálamaður. Megasi datt líka í hug að hann gæti orðið rithöfundur. Það var á misskilningi byggt

Sýni auðmýkt en fæ töffaragang á móti

Athugasemdir

[Guðmudur júlíusson (IP-tala skráð) 27.8.2010 kl. 22:01]

Nokkuð til í þessu hjá þér, Megas er góður í sínum söngtextum og jafnverl sá besti ef út í það er farið, en ekki mikið meir, Jón Gnarr er frábær leikari og kóment sér í lagi, en ég efa að hann plumi sér sem pólítíkus í Reykjavík!!!

[Haraldur Davíðsson, 27.8.2010 kl. 22:10]

Ertu að vitna í  bók Megasar um Axlar-Björn?

Sól í Norðurmýri  eftir hann, með fulltingi Silju A. er frábær, þú ættir að kíkja í hana....en jú fáir, ef nokkur kann jafnvel með málið okkar að fara.

[Gunnar Th. Gunnarsson, 27.8.2010 kl. 22:35]

Það passar, Haraldur. Bókin fékk skelfilega útreið hjá gagnrýnendum

[Gunnar Th. Gunnarsson, 27.8.2010 kl. 22:35]

.... og ég var sammála þeirri gagnrýni, þó ég kláraði ekki bókina

[Axel Jóhann Hallgrímsson, 28.8.2010 kl. 13:19]

Fáir komast með tærnar þar sem Megas hefur hælana í textagerð. En annað er miður.

Jón Gnarr grínisti og það góður? Ha, hef ég misst af einhverju?