Hvað með landrisið?

Fram hefur komið í fréttum tengdum þessari síðustu jarðskjálftahrynu á Reykjanesi, að þessir skjálftar sé öðruvísi en venjulega. Töluvert landris hefur átt sér stað núna, sem bendir til kvikusöfnunar þarna undir.

Magnús Tumi minnist ekkert á þetta.

Er eldgos í vændum?

Ég skeit í buxurnar

Fjörgamall maður á elliheimili var lifandi goðsögn fyrir ævintýralegt líf sitt. Hann hafði ferðast um allan heiminn... stundað villidýraveiðar í Afríku, Indlandi og víðar, klifið marga af hæstu tindum veraldar og svo mætti lengi telja.

Ungur blaðamaður ákvað að taka viðtal við þennan aldna ævintýramann og fyrsta spurning hans var:

"Hvenær hefurðu orðið hræddastur í lífinu?"

Sá gamli svaraði:

 "Það mun hafa verið þegar ég var á Indlandi að veiða Bengal tígrisdýr. Ég þræddi mjóan moldartroðning í gegnum þykkan frumskóginn, þegar skyndilega stærsta tígrisdýr sem ég hef nokkurn tíma séð, hoppaði inn á stíginn beint fyrir framan mig. Fyrir aftan mig var indverski burðarmaðurinn minn og ég sneri mér við til að fá byssuna mína en sá hann þá flýja í burtu. Tígrisdýrið kom á móti mér hægum skrefum og var auðsjáanlega að búa sig undir að stökkva á mig. Svo öskraði það ógurlega" ... og gamli maðurinn líkti kröftuglega eftir tígrisdýrsöskri.

Sá gamli þagði dálitla stund en hélt svo áfram:

"Ég skeit í buxurnar"

Blaðamaðurinn ungi segir þá:

"Undir þessum kringumstæðum hefðu nú allir gert það sama".

Gamli maðurinn svaraði:

"Ekki þá.... núna!...  þegar ég öskraði."

Fjarðabyggð er tekjuhæsta sveitarfélagið á landinu

Þó atvinnuleysi og kreppa hafi vissulega haft áhrif í Fjarðabyggð eins og annarsstaðar, er það ekkert í líkingu við það sem er að gerast á höfuðborgarsvæðinu og á Reykjanesi.

Fólksfjölgun í sveitarfélaginu er á pari við þær spár og væntingar sem gerðar voru vegna tilkomu álversins og það þrátt fyrir að um 300 störf hafi tapast úr sjávarútveginum á sama tíma. Það er erfitt að hugsa þá hugsun til enda, hvernig ástandið væri hér ef Ómari Ragnarssyni og félögum hefði tekist að koma í veg fyrir uppbygginguna sem hér hefur átt sér stað.

Ef miðað er við sveitarfélög sem hafa 650 íbúa eða fleiri, þá trónir Fjarðabyggð á toppnum sem tekjuhæsta sveitarfélag landsins á hvern íbúa, með 537.150 krónur. Garðabær er í öðru sæti með 536.933 kr. Sjá HÉR á heimasíðu Fjarðabyggðar.

Hin svokölluðu "ruðningsáhrif", sem andstæðingar framkvæmdanna töluðu um með Steingrím J. Sigfússon í broddi fylkingar, urðu engin eins og fram hefur komið í viðamikilli skýrslu um efnahags og samfélagsleg áhrif álversins á svæðinu.

Þó má e.t.v. tala um "jákvæð ruðningsáhrif" álversins, því með komu þess þá ruddi það í burtu undirborgunum á vinnumarkaði, vegna þess að samkeppni um vinnuafl var ekkert.

Um hlutleysi fréttamanna

Er það bara ég.... eða eru vinstri sinnaðir fréttamenn duglegri við að "matreiða" fréttir eftir pólitískri línu, en hinir hægri sinnuðu?

 

 

 

 

 

 

Bæði tvö, Jóhann Hauksson og Þóra Kristín Áageirsdóttir, hafa unnið á "hlutlausum", ríkisreknum fjölmiðli. Það þurfti í mesta lagi hálfan heila til að átta sig á hverra erinda þau gengu í "fréttaflutningi" sínum.

 

 

 

 

 

 

Óðinn Jónsson, sá er stýrir sameinaðri fréttastofu RUV, losaði sig við Elínu Hirst úr sjónvarpsfréttunum. Allir vita að hann er vinstrimaður. Ég vissi ekki að Elín væri til hægri. Það kom ekki fram í fréttalestri hennar.

Hallur Hallson var lengi fréttamaður hjá sjónvarpi RUV. Ég tók aldrei eftir því að "hans fréttir" væru litaðar hægrimennsku.

Steingrímur Líbíu

Nei, þetta er nú illa sagt um "félaga Steingrím"

Vísar ályktun öryggisráðsins á bug

Páll Baldvin Baldvinsson og Skólaljóðin

Í Kiljunni",bókmenntaþætti Egils Helgasonar 23. feb. s.l. fór Páll Baldvin Baldvinsson hamförum yfir bókinni "Skólaljóð"  sem flestir muna eftir úr grunnskóla, a.m.k. þeir sem komnir eru á fertugs aldur og eldri. Bókin var gefin út árið 1964 og myndskreytt listilega af Halldóri Péturssyni.

Kolbrún Bergþórsdóttir og Páll Baldvin voru á öndverðu meiði að venju og oft hefur verið gaman að hlusta á mál þeirra og mismunandi skoðanir. Allir vita að Páll er vinstrisinnaður, en vinstri stækjan af honum og ofstækið í umfjöllun sinni um "bláu bókina", en með þeirri nafngift vísar hann í að kennarinn sem safnaði þessum ljóðum saman í bókina, var sjálfstæðismaður, var hreint út sagt með ólíkindum.

Kolbrún kom auðvitað inn á það sem nánast allir Íslendingar vita, að þetta er ein minnisstæðasta bókin úr grunnskólagöngu barna á Íslandi og að mörgum þyki afar vænt um bókina.

Þennan Kiljuþátt má sjá HÉR , fyrir þá sem ekki sáu þessu ósköp.

"Svona eru vinstrimenn í dag", hefði sjálfsagt hrokkið út úr Jóni Ársæli Þórðarsyni. En auðvitað hefur svona skapgerð blundað í mörgum þeirra frá upphafi vega.

Er það hlutverk forsetans að boða fjármálaráðherra á sinn fund?

 Svona almennt séð, hélt ég að forsetinn væri ekki að boða stjórnmálamenn á einkafundi með sér, nema í stjórnarmyndunarviðræðum, þ.e.a.s. ef þær ganga erfiðlega og þegar einhverjar hamfarir eiga sér stað.

Steingrímur og forsetinn eru gamlir flokksfélagar og það er auðvitað eitthvað mikið að í sinni Steingríms, ef hann hefur ekki talað við Ólaf síðan hann vísaði Icesave II til þjóðarinnar. Það hljóta allir að sjá í hendi sér.

Það var gert að fjölmiðlamáli að Davíð og Ólafur töluðust ekki við eftir að sá síðarnefndi vísaði fjölmiðlalögunum til þjóðarinnar, en þeir tveir höfðu aldrei átt mjög gott skap saman.

Fjölmiðlalögunum var aldrei vísað til þjóðarinnar af skiljanlegum ástæðum.  Þeir sem öllu hafa ráðið á fjölmiðlamarkaðinum síðan um aldamót, notuðu öll sín tæki og tól til þess að gera sjálfsagða breytingu á eignarhaldi fjölmiðla, tortryggilega. Þjóðaratkvæðagreiðslan var töpuð fyrirfram fyrir flutningsmenn lagabreytingarinnar.

Icesave-málið ekki það stórt

Ný skoðanakönnun

Síðasta skoðanakönnun hjá mér var:

Spurt var: Hvað er til ráða varðandi stjórnlagaþing?

Kjósa aftur 7,4%

Alþingi skipar 25 menningana í ráðgefandi nefnd 24,1%

Alþingi sér alfarið um tillögur að stjórnarskrárbreytingu 14,8%

Hætta við allt saman 53,7%

54 hafa svarað

Ekki mikil þáttaka í þessari könnun en nú er komin önnur hér til vinstri og spurt er: "Ætlar þú að samþykkja Icesave III?" Endilega takið þátt. Ekki er hægt að rekja IP-tölur eða neitt slíkt varðandi svona kannanir á blogginu, svo fólk þarf ekki að vera "hrætt" við þáttöku.

Óviðunandi ábyrgðarleysi forsetans

Það sem Steingrímur sagði um 26. greinina árið 2003

„Treystum við ekki þjóðinni? Ekki getur það verið vandinn að nokkrum manni í þessum sal, þingræðissinna, detti í hug að þjóðin sé ekki fullfær um að meta þetta mál sjálf og kjósa um það samhliða því að hún kýs sér þingmenn. Stundum heyrist að vísu einstaka hjáróma rödd um að sum mál séu svo flókin að þau henti ekki í þjóðaratkvæði. Það er einhver allra ömurlegasti málflutningur sem ég heyri.“

- Steingrímur J. Sigfússon í ræðu á Alþingi Íslands 4. mars 2003

Steingrímur hótaði afsögn og stjórnarslitum við forsetann fyrir ári, ef hann synjaði hinni "glæsilegu niðurstöðu" úr fyrri samningi, eins og hann orðaði það í fjölmiðlum. Þegar Ólafur Ragnar upplýsti þetta í Silfri Egils um daginn, þá voru viðbrögð Steingríms þau, að hann myndi passa sig næst í trúnaðarsamtölum við forsetann.

Á yfirborðinu er Steingrímur röggsamur foringi, en undir því er hann ómerkingur.

Vill breyta 26. greininni

Er ekki alveg rólegur

Dóttir mín er á ferðalagi í Nýja Sjálandi með tveimur vinkonum sínum. Þær eru sem betur fer á öruggum stað sem stendur, þ.e. í Taupo sem er á Norður-eyjunni miðri, í um 500 km fjarlæg frá Christchurch.

Þær fundu ekki fyrir skjálftanum, sem var eins gott því þær voru í djúpt í 1 km. löngum helli, þar sem þær þurftu m.a. að synda í ísköldu vatni til að komast leiðar sinnar. Skilaboðin frá okkur foreldrum hennar á facebook:  "Ekki fleiri hellaferðir í bili" !!

Þær eiga flug eftir nokkra daga frá Christchurch til Ástralíu og vonandi verður í lagi með það. Stelpurnar hættu hins vegar við að dvelja í borginni í einhverja daga eins og planið var.

Þetta er mikil ævintýraferð hjá stelpunum, nýkomnar frá Cook eyju. Ég smelli hér mynd með af dótturinni í fallhlífarstökki á Nýja Sjálandi.

Óttast að 200 séu fastir