Enginn einstaklingur er stærri en flokkurinn

Ég tel að Bjarni Benediktsson sé ágætis maður og gagnrýnin á hann hafi verið óvægin og oft ósanngjörn. Mitt kalda mat er þó að best væri fyrir Sjálfstæðisflokkinn að hann stigi til hliðar á landsfundinum nú í febrúar og afhenti Hönnu Birnu Kristjánsdóttur keflið.

Mörgum finnst Hanna Birna vera helst til mikið borgarbarn en hún fær varla að komast upp með það í flokki allra landsmanna... og stétta.

Sjálfstæðisflokkurinn fengi fleiri atkvæði í kosningunum í vor og það skiptir mestu máli.

Fleiri kjósa Hönnu Birnu

Athugasemdir

[hilmar jónsson, 8.2.2013 kl. 17:56]

"Flokkur allra landsmanna og allra stétta" er álíka mikið öfugnefni og nafnið sjálft, Sjálfstæðisflokkur.

Afætu og sérhagsmunagæsluflokkurinn væri nær lagi.

Og þú launamaður austur á fjörðum greiðir þessari klíku atkvæði þitt..Drottinn minn.

[Gunnar Th. Gunnarsson, 8.2.2013 kl. 18:05]

Ég hélt þetta líka, Hilmar, þangað til ég fullorðnaðist og kynnti mér stefnu flokksins betur og hætti að hlusta á áróðursbullið í vinstri mönnum sem ég hafði nærst á framundir þrítugt.

[Skúli Víkingsson, 8.2.2013 kl. 21:24]

Þetta er hárrétt hjá þér, Gunnar. Það er mjög skiljanleg afstaða hjá Hönnu Birnu að vilja ekki fara í formannsslag. Það eina rétta í stöðunni er að Bjarni víki með reisn.

[Sigurbjörn Friðriksson, 10.2.2013 kl. 01:25]

Bjarni gekk til liðs með kommúnistun og kommalufsunum varðandi IceSave ásamt 11 öðrum framámönnum innan Sjálfstæðisflokksins og hann verður að súpa seyðið af þeirri ákvörðun sinni.

Hví á hann að fá að víkja með reisn?

Ekki fékk Þorsteinn Pálsson að víkja með reisn.

Ef Bjarni verður formaðurinn í kosningabaráttunni, þá fá Sjálfstæðismenn mun færri atkvæði í kosningunum en ef Hanna Birna leiddi kosningabaráttuna. Þá mun Bjarni hvort sem er ekki víkja með reisn, nema frá því minni flokki og það er engin reisn, það er til skammar. Hvort er meira áríðandi, Bjarni Ben eða fylgi Sjálfstæðisflokksins.

Hanna Birna þarf að leiða kosningabaráttuna, Bjarni á að hafa vit á að víkja strax.