Getur varla staðist

Þessi áhorfstala stenst varla. Ég var í Bandaríkjunum á meðan riðlakeppnin fór fram og það var sama hvar maður kom... á veitingastaði, hótellobbí og víðar þar sem sjónvörp voru á annað borð (og þau erum mjög víða), þá var stillt á stöðvar með EM útsendingu og fólk horfði af áhuga.

Hér erum við konan mín að bíða eftir steikinni okkar á veitingastað í Mall Of America í Minneapolis, stærstu verslunarmiðstöð USA, föðurlandi verslunarmiðstöðvanna. Sama hvert litið var á þessum veitingastað, á öllum veggjum var verið að sýna leik á EM.

Aukið áhorf á EM í Bandaríkjunum

Flottur leikur hjá Íslendingum

Leikurinn við Svía er með þeim betri sem ég hef séð íslenskt landslið spila. Mörkin sem liðið fékk á sig voru þó af ódýrari gerðinn, sérstaklega annað og þriðja markið. Það þriðja má skrifa á Hannes markvörð en hann átti a.m.k. tvær afar vafasamar "hreinsanir" frá markinu.

Íslenskt landslið hefur aldrei verið eins vel mannað og í dag og það sást á spilinu. Liðið hélt boltanum vel og framtíðin er björt hjá okkur.

Ég hef fulla trú á Lasse.

Svíar lögðu Íslendinga 3:2

Atkvæðasmölun

"..skráðir iðkendur innan ÍSÍ geti sent inn tilnefningar og greitt atkvæði.“

Á að gera kjör íþróttamanns ársins að skrípaleik? Og hvers vegna íþróttakarl og íþróttakonu ársins? Er íþróttamaður ársins ekki málið?

Ef ÍSÍ vill hafa þessa hluti öðruvísi, þá gera þeir það á sínum forsendum og allt gott með það. Kjör íþróttafréttamanna endurspegla nokkuð vel almenning, þó alltaf séu skiptar skoðanir um valið. Ég vil engu breyta varðandi gamla fyrirkomulagið, utan þess að verðlaunagripurinn sjálfur er hlægilegur þó hann hafi örlítið skánað við minnkunina.

Ég beið alltaf eftir því að lítil og nett fimleikastúlka yrði kjörinn íþróttamaður ársins. Mynd af henni með bikarinn hefði slegið í gegn á alþjóðavísu.

Vilja að ÍSÍ standi að kjöri íþróttamanns ársins

Caruana engist

Ég er að fylgjast með æsispennandi skák 7. stigahæsta skákmanns heims, Fabiano Caruana gegn heimsmeistara kvenna, Yifan Hou. Stelpan er að vinna sýnist mér. Skjá skot af þeim við borðið núna kl 15.36 og staðan við hliðina.

 Ég fæ ekki betur séð en að Yifan sé að vinna mikilvægt peð á miðborðinu.

Mozart skáklistarinnar

Í bandaríska fréttaskýringarþættinum 60 minutes er stórkemmtileg umfjöllun og viðtal við Magnus Carlsen, sterkasta skákmann veraldar í dag. Ísland kemur að sjálfsögðu við sögu í þættinum.

Þáttinn má sjá HÉR

Getur ólöglegt mark verið fallegt?

Í myndbandinu er talið niður frá 20 og mark númer 14 (eftir 1, 32 min) sem Ungverji skorar er kolólöglegt því hann tekur heil 5 skref áður en hann skýtur á markið. Að mínu mati á það mark ekki erindi sem eitt af fallegustu mörkum mótsins.

Það vekur athygli mína hversu fá mörk á þessum lista eru hefðbundin langskot með uppstökki. Mest er þetta horna og línumörk sem vissulega eru glæsileg. Gegnumbrotsmarkið hjá Balic er magnað. Skottæknin er ótrúleg.

EM: 20 fallegustu mörkin (myndband)

Ég giskaði á Þóru B. eða Aron

Ef ekki nú, þá aldrei, fyrir Heiðar Helguson. Síðasti séns og hann er vel að titlinum kominn. Ódrepandi baráttuvilji og dugnaður einkennir hann fyrst og fremst og það er auðvitað magnað að 34 ára gamall framherji skuli slá í gegn í ensku úrvalsdeildinni. Það er afrek útaf fyrir sig m.t.t. aldursins.

Aron Pálmason er ungur og mun eflaust hampa titlinum fljótlega en spurning með Þóru B. Helgadóttur. Var þetta hennar síðasti séns?

Heiðar íþróttamaður ársins

Röð 1 til 8

Nú ætla ég að gerast spámaður og röð efstu lið verður þessi:

1. Rússland
2. Noregur
3. Spánn
4. Danmörk
5. Frakkland
6. Króatía
7. Angóla
8. Brasilía

Ég veit ekki hvort spilað er um sæti 5 - 8 en set samt upp þessa röð.

Ísland í 12. sæti eftir sigur Brasilíu

Lélegt, átti að fara 4-0

Íslenska skáklandsliðið er óvenju stigalágt að þessu sinni en lið Lúxemborgar er þó mun stigalægra. Meðalstig þeirra gegn okkur var tæp 2.200 stig en okkar manna var 2.450 stig.

Björn Þorfinnsson tefldi á 3. borði (2402) og tapaði sinni skák. Andstæðingur hans var aðeins með 2.119 stig og því tæpum 300 stigum lægri. Það á ekki að fegra þessi úrslit. Það er sjálfsögð krafa að vinna svona lið með fullt hús. Eitt jafntefli hefði verið slys, en ásættanlegt.

Hjörvar Steinn Grétarsson (2452) vann magnað afrek í fyrstu umferðinni, þegar hann vann hinn reynda ofurskákmann, Alexei Shirof (2705) , sjá HÉR

Sigur á Lúxemborg

Hvað er líkt með bridds og kynlífi?

Ef partnerinn er lélegur, er gott að hafa góða hönd

Ísland endaði í 21. sæti