Eitthvað sérstakt í gangi

Frábær leikur í gær.

Ég horfði á hann aftur frá 53. mínútu. Stórkostleg viðbrögð við markinu sem var eins og köld vatnsgusa. Og ekki versnaði það eftir jöfnunarmarkið og eiginlega því síður. eftir sigurmark Kolbeins því Ísland var líklegar að bæta 3. markinu við en Tékkar að jafna.

Að vísu fengu Tékkar eitt dauðafæri þegar Rosický gaf eitraða sendingu innfyrir en sóknarmaðurinn klúðraði því, sem betur fer.

Hversu langt getur liðið okkar náð? Ég er að verða hálf ringlaður. Lið sem lætur landslið Tékka líta illa út þegar þeir eru 1-2 undir og lítið eftir,... það hlýtur að vera gott.

Sama lið hefur leikið 3 heimaleiki og fengið úr þeim 9 stig. Andstæðingarnir voru Tyrkland, Holland og Tékkland og markatalan gegn þessum fótboltalegu stórþjóðum er 7-1.

Við erum að upplifa eitthvað alveg sérstakt. Eitthvað sem Danmörk og Svíþjóð upplifa á 20 -30 ára fresti en Norðmenn og Finnar hafa aldrei upplifað.

Njótum laughing

Viðbót. Norðmenn náðu ágætis árangri á HM ´94 og ´98 en "Drillo-liðið" heillaði engan.


mbl.is „Þetta er ólýsanlegt“
Tilkynna um óviðeigandi tengingu við frétt

Múslimalönd skrifa undir sérstakan mannréttindasáttmála

Mannréttindasáttmáli Sameinuðu þjóðanna var í upphafi undirritaður af 48 löndum árið 1948, þ.á.m. Íslandi.

Nokkur múslimalönd undirrituðu einnig sáttmálann, s.s. Íran, Írak, Afganistan, Pakistan, Líbanon og Egyptaland.

Árið 1990 var saminn nýr mannréttindasáttmáli, sérstaklega sniðinn að múslímskum samfélögum (og gildir aðeins þar) því þau gátu ekki staðið við upphaflega samningin vegna trúar sinnar og múslímskra laga heimafyrir (sharia) m.a. vegna stöðu kvenna, samkynhneigðra og vegna þess að víða í þessum löndum liggur dauðarefsing við að ganga af trúnni, svo fátt eitt sé nefnt.

Margir múslimar sem flytjast til vesturlanda álíta sig ekki bundna af mannréttindasáttmála Sameinuðu þjóðanna, nema þeim sem sérsniðinn er að þeirra menningu og trú.

Er það rasismi að ætlast til að múslímar fari eftir hinum eiginlega sáttmála, þegar þeir flytjast til vestrænna lýðræðisríkja?

 


mbl.is Vígamenn á dönskum bótum
Tilkynna um óviðeigandi tengingu við frétt

Mótmæli við Emirates

Ég var í London um páskana með fjölskyldunni. Upphaflega var meiningin að fara á leik Arsenal og Liverpool 4. apríl en við vorum of sein að ná okkur í miða, um miðjan janúar.

Við fórum samt til London og skemmtum okkur vel og fórum að Emirates rétt fyrir leik... svona aðeins til að þefa af stemningunni.

IMG_7324

Völlurinn og umhverfið hans er glæsilegt. Allar götur í nágrenninu lokaðar og fólk streymdi að rétt fyrir leik.

IMG_7327

Engar fótboltabullur voru sjáanlegar og allir með friði og spekt.

IMG_7328IMG_7330

 

 

 

 

 

 

 

Eins og fram kemur í fréttinni er miðaverðið það hæsta í Englandi á Emirates og áhangendur félagsins mótmæla því kröftuglega. Mér skilst að svona mótmæli hafi verið þarna árum saman.

Við reyndum að komast inn á nærliggjandi pöbba sem sýndu leikinn en vonlaust var að komast þar inn. Maður þurfti annað hvort að sýna miða á leikinn eða ársmiðapassa Arsenalklúbbsins.

Í um kílómeters fjarlægð frá vellinum sáum við pöbb sem var að sýna leikinn og ætluðum þar inn en þar var sama svarið. Þegar dyravörðurinn sá vonbrigðasvipinn á okkur, spurði hann hvort við værum útlendingar og við játtum því auðvitað. Þá leit hann laumulega í kringum sig og hleypti okkur inn. Fín stemning á pöbbnum laughing og ekki spillti fyrir að Arsenal vann leikinn 4-1.

 

 


mbl.is Dýrt að skella sér á Emirates
Tilkynna um óviðeigandi tengingu við frétt

Stjórn RARIK

Stundum er talað um að hin og þessi störf hjá hinu opinbera séu pólitísk elliheimili. Þá eru sendiherrastöður oft nefndar. En þegar stjórn RARIK er skoðuð þá er þetta dálítið áberandi, þó ekki sé nú fólkið fjörgamalt í árum talið.

Stjórn RARIK var endurkjörin en hana skipa:

  • Birkir Jón Jónsson, fyrrv. þingm. Framsóknarfl.
  • Arnbjörg Sveinsdóttir, fyrrv. þingm. Sjálfst.fl.
  • Björgvin G. Sigurðsson, fyrrv. þingm. Samfylkingar
  • Huld Aðalbjarnardóttir, fyrrv. varaþingm. Framsóknarfl.
  • Guðmundur Hörður Guðmundsson, form. Landverndar

Guðmundur er ágætur fulltrúi þarna með M.Sc í umhverfisfræðum og andæfir gegn virkjunum. Hans rödd þarf að heyrast og hann getur frætt félaga sína um raunverulega afkomu RARIK.

Hinir.... hmmm


mbl.is Greiða 310 milljónir í arð
Tilkynna um óviðeigandi tengingu við frétt

Einnig; færri fellibylir, meira tjón

Það er talað um "upplýsingaöld", en hún er að sjálfsögðu afurð internetsins. Ekkert óvenjulegt gerist í heiminum án þess að það sé á allra vitorði, ef ekki í beinni útsendingu þá a.m.k. samdægurs.

Margir halda að tíðni jarðskjálfta hafi aukist af því nákvæmar fréttar berast strax um heimsbyggðina um leið og þeir gerast. Sömuleiðis að allskyns slys, s.s. flugslys, járnbrautaslys, rútuslys o.s.f.v. sé að aukast en það er rangt... en ferðalög hafa aukist en hlutfall slysa ekki.

Þetta á einnig við um upplýsingar um veðrið. Á hverjum einasta degi, einhversstaðar á hnettinum okkar eru óvenjuleg veðrabrigði og þau eru komin á youtube eða snapchat um leið. Óvenjulegir þurrkar, óvenjulegar rigningar, óvenjuleg snjókoma, óvenjulegir vindar.

Veður-fréttir eru vinsælar og varla á þær minnst núorðið nema "Global-warming" fylgi í kjölfarið. Allt er hnattrænni hlýnun að kenna og aldrei á hana minnst nema eins og dómsdagur sé í nánd. Nefna má sem dæmi um fellibylji sem dómsdagsspámennirnir segja að séu að aukast svakalega. Það er auðvitað rangt, eins og fjölmargt annað kemur frá dómsdagsspámönnunum. Fellibylir í N-Atlantshafi eru í slöku meðallagi og styrkur þeirra ekki aukist á þessari öld.

En tjón af völdum þeirra hefur aukist en það hefur samt ekkert með fjölda þeirra eða styrk að gera. Fólki er hins vegar stöðugt að fjölga, en þó aðallega í þróunarlöndum og þéttleiki byggða hefur aukist mikið, sérstaklega við ströndina, en þar herja fellibylir jú harðast á mannfólkið.


mbl.is Sjöunda slysið síðan í byrjun 2014
Tilkynna um óviðeigandi tengingu við frétt

Ef allir setja þessa mynd inn?

Hræsnin í Kananum á sér lítil takmörk.

Mesti soraklámsframleiðandi heims. Mesti ofbeldismyndaframleiðandi heims... en fer svo á límingunum yfir þessari mynd. 

Allt varð vitlaust þegar sást í hálfa túttu Janet Jackson í hálfleik á Superbowl.

Ef allir á facebokk pósta þessari fallegu mynd, þá yrði fb væntanlega lokað.... eða hvað? 

796958

Hvernig væri að við Íslendingar tækjum okkur saman og settum þessa mynd á fb-síðuna okkar kl. 12 á hádegi á laugardaginn? Ég er til, en það þýðir náttúrulega ekkert fyrir mig að gera það einn. Þá yrði bara lokað á mig... og málið er dautt. sealed


mbl.is Er þessi mynd of dónaleg?
Tilkynna um óviðeigandi tengingu við frétt

Fyrstur með fréttirnar - engin Pulitzer-verðlaun

Ekki fékk ég Pulitzer verðlaunin fyrir þetta blogg 9. október 2008. Held örugglega að ég hafi verið fyrstur með umfjöllun um blekkingarleikinn í Al Thani málini, sjá hér:  Með lífverði á flótta 

Einnig bloggaði ég um málið tæplega ári síðar, hér:  26 miljarða nótulaus viðskipti 

En hvernig fór með mál Telmu Halldórsdóttur, stjórnarmanns í Q Iceland Finance ehf, eignarhaldsfélags sheik Mohammed Bin Khalifa Al-Thani? Bar hún enga ábyrgð?

Fullyrðingar hennar sem fram koma í seinna blogginu eru vafasamar, svo ekki sé meira sagt. 


mbl.is Kaupþingsmenn sakfelldir
Tilkynna um óviðeigandi tengingu við frétt

Réttlæting?

Ég sé þessa seðla aldrei í umferð og hlutfall verðmæta þeirra af prentuðum seðlum segir lítið. Ef fólk þarf að burðast með mikið reiðufé á milli staða, eru þeir ágætir en sem gjaldmiðill í almennri smávöruverslun og þjónustu, eru þeir gjörsamlega óþarfir.

Mér segir svo hugur að þessi "auglýsing" frá Seðlabankanum, sé réttlæting á ótímabærri ákvörðun um prentun þessara seðla.


mbl.is Vinsælir tíuþúsundkallar
Tilkynna um óviðeigandi tengingu við frétt

Góðar einkunnir á IMDB

IMDB þekkja flestir. (Internet movie database) Fortitude er þar á lista og þó einkunnagjafir sé ekki nema 27 þegar þetta er skrifað, er 8,8 að meðaltali mjög gott, sjá hér 

Það er athyglisvert að sjá einkunnagjöfina eftir kyni og aldri.

fortitude

 

Eins og sést falla konur marflatar fyrir þáttunum og gefa einkunnina 10. Unglingar og Ameríkanar er ekki eins hrifnir. Kanarnir þrír gefa 6,7 sem er þó alls ekki slæmt.

Kvikmyndaliðið kemur aftur í Fjarðabyggð ef vel gengur og við vonum að það gangi eftir.

Hér er Richard Domier á rauða dreglinum að tala um Fortitude

 
Ps. Frumsýningin á Sky var í kvöld og umsagnir helstu skríbenta eru vægast sagt kvíðvænlegar fyrir framhaldið. Þið sjáið slatta af umsögnum eftir frumsýningarkvöldið ef þið gúgglið "review Fortitude". Flestir hafa miklar efasemdir um söguþráðinn en allir dásama "Location". 
 
Í einni umsögninni segir: 
 
"..the location is so unique, specific and important to the story that the show would have no reason to exist without it".

 Þar höfum við það.undecided


mbl.is Fjarðabyggð fullkomin staðsetning
Tilkynna um óviðeigandi tengingu við frétt

Björgvin G. var "útrásarráðherra" að eigin sögn

Þetta viðtal við Björgvin G. Sigurðsson eldist illa í ljósi sögunnar. Viðtalið er tekið árið 2007, rétt eftir stjórnarmyndun Sjálfstæðisflokks og Samfylkingar. Björgvin vildi skoða að liðka fyrir útrásinni með lagabreytingum.

"Þetta er svona útrásarráðuneyti"


mbl.is Vill Hannes í 2-3 ára fangelsi
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband